مەسرور بارزانی، سەرۆکێ حکومەتا هەرێما کوردستانێ ئەڤرۆ پێشوازی ل شاندەكێ جڤاتا پیران یێ ئەمریکا کر.
د كۆمبوونێدا سەرۆکێ حکومەتێ و شاندەكێ جڤاتا پیران، گرنگیدانا پەیوەندییێن هەرێما کوردستانێ دگەل ئەمریکا و گرنگییا چارەسەرکرنا ئاریشەیێن هەرێم و حکومەتا فیدرال ل سەر بنەمایێ دەستووری گۆتۆبێژكرن.
هەروەسا تەوەرێ سەرەكییێ كۆمبوونێ، تایبەت بوو ب چاكسازییا كابینەیا نەهێ، ب تایبەتی چاكسازییا وەزارەتا پێشمەرگە و هەمەجۆرکرنا ژێدەرێن داهات و ب دیجیتەلکرنا خزمەتگوزارییێن گشتی و پێشڤەبرن ب کەرتێ چاندن و هنارتنا بەرهەمێ ناڤخۆ بۆ بازارێن ژ دەرڤە.
د كۆمبوونێدا لدۆر هەلبژارتنان، سەرۆکێ حکومەتا هەرێما کوردستانێ ڕاگەهاند، چ هێجەت نین بۆ هندێ پرۆسا هەلبژارتنێن پەرلەمانێ كوردستانێ بهێتە پاشئێخستن و دڤێت د ئەڤ سالەدا بهێتەكرن و حکومەتا هەرێما کوردستانێ ژی هەمی ئاسانکاری و ئامادەکارییا بۆ ئەنجامدانا هەلبژارتنان دێ كەت.
