ئیمانوئێل ماکرۆن: بۆ چەسپاندنا ئاشتییێ ل ئۆکراینا دێ سەرەدانا چینێ کەم

بۆ چەسپاندنا ئاشتییێ و گوتوبێژکرنا شەڕێ رووسیا و ئۆکراینا سەرۆکێ فەڕەنسا دێ سەرەدانا چینێ کەت.

ئیمانوێل ماکرۆن، سەرۆکێ فەرەنسا ڕاگەهاند، ل دەستپێکا مەها نیسانێ بۆ گوتوبێژکرن دگەل چینێ ب مەرەما ئێخستنا فشاران ل سەر رووسیا بۆ ڕاوستاندنا شەڕی ل دژی ئۆکڕاینا دێ سەرەدانا چینێ کەت.

ماکرۆنی گۆت: “ب باوەریا من، هەر تشتەک بۆ ب دەستڤەئینانا ئاشتیێ بیت باشە، بەلێ ئەڤ ئاشتییە بتنێ دێ ب ئێک ڕێک بیت، ئەوژی ڕاوستاندنا رووسیایە ژ دەستدرێژییان و ڤەکێسانا هەمی هێزێن وێ د ئاخا ئۆکڕاینا دا.’

هەروەسا گۆت: “مافێ ئۆکراینایە مەرجان بۆ ئاشتییێ دیاربکەت، پشکداریکرنا چینێ د بزاڤێن چەسپاندنا ئاشتیێ دا تشتەکێ گەلەک باشە، بۆ ڤێ چەندی ل دەستپێکا مەها نیسانێ دێ سەرەدانا چینێ کەم و پێدڤیە هاریکاریا مە بکەت ژ بۆ هندێ فشاران بێخیتە سەر رووسیا.”

ل 24 شوباتا 2022، ب‌ فه‌رمانا ڤلادیمێر پوتن، سه‌رۆكێ رووسیا هێرش بۆ سەر ئاخا ئۆکراینا دەستپێکر و ب وی ئەگەری ب هزاران سەرباز ژ لەشکەرێ هەردوو وەلاتان هاتنە کۆشتن و ب ملیۆنان ئۆکراینی ژی ئاوارەی وەلاتێن ئۆرۆپی بوون، تا نوکە ژی شەر یێ بەردەوامە.