ده‌مێ دابەشكرنا كارتۆنێن ئاهێن خوارنێ بۆ هه‌یڤا رەمەزانێ هاته‌ دیار كرن

ئەڤرۆ ئێكشەمبی، وەزارەتا بازرگانییا عیراقێ دیار كر: كارتۆنێن ئاهێن خوارنێ بۆ هه‌یڤا ڕەمەزانێ د به‌رهه‌ڤن.

لاما هاشم موسەوی، رێڤەبەرا گشتی یا كۆمپانیا گشتی یا بازرگانییا خوارنێ گۆت: كارتۆنێن ئاهێن خوارنێ بۆ هه‌یڤا ڕەمەزانێ د ئامادەنە، پێنج ڕۆژان به‌ری دەستپێكرنا هه‌یڤا ره‌مه‌زانا پیرۆز دێ د بەردەست بن.

گۆت ژی، ئه‌و ئاهێن خوارنێ یێن د ناڤا وان كارتۆنان دا هه‌ر ئه‌ون یێن كو هه‌یڤانە دهێنه‌ دابەشكرن، هه‌ر چه‌نده‌ هاتییه‌ پێشنیار كرن” كو هنده‌ك كه‌لوپه‌لێن خوارنێ، وەك هێك و مریشكان بهێنه‌ زێده‌ كرن” به‌لێ مه‌ پێدڤی ب رازیبوونا سەرۆكوەزیران هەیە بۆ زێده‌كرنا وان كه‌لوپه‌لان.