وەزارەتا ژێده‌رێن ئاڤا عیراقێ: بەردانا ئاڤێ ژ وه‌لاتێن جیران  70٪ ێ کێمبوویه‌

وەزارەتا ژێده‌رێن ئاڤا عیراقێ دیار كر، کێمبوونا ئاڤێ ل هنده‌ك پارێزگه‌هێن باشوورێ عێراقێ روودایە، ئه‌گه‌ر ژی كێمبوونا وێ ئاڤێیه‌ یاكو دگه‌هیته‌ بەنداڤا موسلێ ل سەر رووبارێ دیجلەیی و بەنداڤا حەدیسە ل سەر رووبارێ فوراتی” په‌یڤدارێ وێ وەزارەتێ دبێژیت، کۆگەها ئاڤا عێراقێ کێمترە ژ هەشت ملیار مەترێن سێجا، بەردانا ئاڤێ ژی ل وه‌لاتێن جیران ب رێژا 70٪ ێ کێمبوویە.

 ئه‌ڤرۆ ئێکشەمبی، 26-2-2023 ێ، وەزارەتا وەزارەتا ژێده‌رێن ئاڤا عیراقێ راگه‌هاندنه‌ك ده‌رباره‌یی کێمبوونا ئاڤا رووبارێ دیجلەیی و فوراتی به‌لاڤكر و راگەهاند، ئەو کێمبوونا د پشكا ئاڤێ ل هنده‌ك پارێزگه‌هێن باشووری ل ڤان رۆژان دا هەیی، ئه‌گه‌رێن وێ ڤه‌دگه‌رن بۆ کێمییا وی داهاتێ ئاڤێ ل تورکییا دگه‌هیتە بەنداڤا موسڵێ ل سەر رووبارێ دیجلەیی و بەنداڤا حەدیسە ل سەر رووبارێ فوراتی.

وەزارەتا ژێده‌رێن ئاڤا عیراقێ ئه‌ڤه‌ره‌كێ دیتر یێ کێمبوونا ئاڤێ ڤه‌گه‌راندییه بۆ کێمییا بارانبارینێ و زێده‌بوونا داخوازییێ ل سەر ئاڤێ بۆ ئاڤدانا به‌رهه‌مێ چاندنێ یه‌ بۆ وەرزێ نوكه‌ یێ زڤستانێ” ژ بلی هندێ جۆتیار پابەند نەبووینه‌ ب بجهئینانا سیسته‌مێ نوو یێ ئاڤدانێ.