محەمەد شیاع سوودانی: ئه‌ركێ عێراقێ نه‌ گەهاندنا پەیامانه‌ دناڤبه‌را ته‌هران و واشنتۆن دا

سەرۆکوەزیرێن عیراقێ ته‌كه‌زییێ ل سەر هەلویستێ وەلاتێ خۆ دکەت، بۆ ناکوکی یێن دناڤبەرا ئیران و ئەمریکا دا و ڕادگەهینیت،” ڕێکی نادەینە چ لایەنەکی کو عیراقێ بکێشنە دناڤ ململانێ یێن خۆ دا.

محەمەد شیاع سوودانی، د چارچوڤێ هەڤپەیڤینەکا میدیایی دا ڕاگەهاند، ئەرکێ عیراقێ گەهاندنا پەیامێن دناڤبەرا تەهران و واشنتۆن دا نینە، بەلکو ب تنێ خودان دەستپێشخەریەکە بۆ لێک نێزیكبوونا دیتنان و دبێژیت:”رێکێ نادەینە چ لایەنەکی عیراقێ بکێشنە دناڤ ململانێ یێن خۆ دا و ببنە مەترسی بۆ سەر بەرژەوەندی یێن نیشتیمانی یێن عیراقێ.”

هەروەسا دبێژیت، وەلاتێ وی هەر جۆرە دەستدرێژییەکا ژ لایێ ئیران و تورکیا ڤە بۆ سەر سنووران رەت دکەت و ڕێکێ ژی نادەنە چ لایەنان ل عیراقێ هێرشی سەر وەلاتێن جیران بکەن.

ئه‌و ژی گۆت، هێزێن ئەمنی یێن فیدڕالی ب هەڤکاری دگەل هەرێما کوردستانێ چاڤدێرییا سنوورێن ئیران و تورکیا دکەن.