وەزارەتا پەروەردێ: سوپاس بۆ سەرۆکێ حکومەتێ

ل دوور کۆمبوونا ئەڤرۆ یا جڤاتا وەزیرێن هەرێما کوردستانێ و هەلسەنگاندنا ڕاپۆرتێن وەزارەتا پەروەردێ یا حکومەتا هەرێما کوردستانێ، وەزارەتا ناڤهاتی سوپاسییا سەرۆکێ حکومەتێ دکەت.

وەزارەتا پەروەردێ یا حکومەتا هەرێما کوردستانێ ڕاگەهاند، ئەڤرۆ دووشەمبی 6 ئادارا 2023، جڤاتا وەزیرێن هەرێما کوردستانێ ب سەرپەرشتیا”مەسرور بارزانی” سەرۆکێ حکومەتا هەرێما کوردستانێ کۆمبوو.

ئاماژە کریە، د بڕگا ئێکێ یا کۆمبوونێدا، د ڕاپۆرتەکا بەرفرەهـ دا، کار و پلانێن ستراتیژی یێن وەزارەتا پەروەردێ هاتنە بەرچاڤکرن کو پیکهاتبوون ژ:

پێداچوون د پرۆگرامێن خواندنێ دا.

ستراتیژیەتا ڕاهێنانێن مامۆستایان.

هەلسەنگاندنا قوتابخانان.

خزمەتگوزارییێن دیجیتاڵی.

ژێرخانا پەروەردەیی.

پشکدارییا هەرێما کوردستانێ د هەڵسەنگاندنێن ناڤدەولەتیدا.

ل دوماهییا کۆمبوونێ سەرۆکێ وەزیران، دەستخۆشی ل وەزارەتا پەروەردێ و کارمەندێن وەزارەتێ کر، بۆ کارکرنا بەردەوام د بجهئینانا کارنامەیا چاکسازییێ یا کابینەیا نەهێ د بوارێ پەروەردێ دا و ئەنجامدانا ژمارەیەکا ۆپلانێن ستراتیژی.