نێچيرڤان بارزانى كار و چالاكی یێن يۆنسكۆ ل‌ هه‌رێما كوردستانێ بلند هه‌لسه‌نگاندن

ئه‌ڤڕۆ چارشه‌مبی‌” 2023/3/8 ل‌ هه‌ولێرێ،  نێچيرڤان بارزانى، ‏سه‌رۆكێ  هه‌رێما كوردستانێ ل ‌گه‌ل ئۆدرى ئازوولاى، رێڤه‌به‌را گشتی یا ‏ڕێكخراوا نه‌ته‌وێن‌ ئێكگرتی بۆ په‌روه‌رده‌ و زانست و ره‌وشه‌نبيرییێ (يۆنسكۆ)، ‏به‌حسێ‌ كار و چالاكی یێن يۆنسكۆ ل هه‌رێما كوردستانێ و عێراقێ كرن و ‏رووناهی خسته‌ سه‌ر وان جهێن هه‌رێما كوردستانێ یێن‌ شوونوارێن مێژوويى و كه‌ڤنار تێدا‌.‏

پرۆژێ نووژه‌نكرنا كه‌لها دێرينا هه‌ولێرێ، ته‌وه‌ره‌كێ دیتر یێ وێ كۆمبوونێ بوو، ‏خانم ئازوولاى ئاماژه‌ ب گاڤ و قووناغێن وی پرۆژهیی كرن‌ و سوپاس و ‏پێزانينێن خۆ بۆ لايه‌نێن‌ په‌يوه‌ندار یێن هه‌رێما كوردستانێ ده‌ربڕین، بۆ وێ هاریكارىیێ و ‏هه‌ماهه‌نگييا پێشكێشی‌ تيمێن يۆنسكۆ دكه‌ن.‏

نێچيرڤان بارزانى، كار و چالاكی یێن يۆنسكۆ ل‌ عێراقێ و ‏هه‌رێما كوردستانێ بلند هه‌لسه‌نگاندن و هه‌موو پشته‌ڤانییا لايه‌نێن ‏په‌يوه‌ندار یێن هه‌رێما كوردستانێ بۆ پرۆژێن وان ته‌كه‌ز كرن‌.‏