بێوار عەبدالعەزیز، بەرپرسێ ڕاگەهاندنا بەرەڤانییا باژێرێ دهۆكێ بۆ ئاژانسا خانی ڕاگەهاند، ئەڤرۆ سەرۆك مەسعود بارزانی پێشوازی ل هەمی تیمێن هەوارهاتنێ ل هەرێما كوردستانێ یێن د هاریكارییا زیانڤێككەفتیێن توركیا و سووریا چووین كر.
بێوار عەبدالعەزیز دیاركر، د كۆمبوونێدا سەرۆك بارزانی دەستخۆشی ل تیمێن هەرێمێ كرن و گۆتە مە”هەوە سەرێ مە بلندكر و ئەڤا هەوەكری ب شانازی دێ بۆ دیرۆكێ هێتە نڤێسین و چ جوداهی دناڤبەرا هەوە و پێشمەرگەیێن چووینە كۆبانێ دا نینە” و داخوازا سەركەفتنێ بۆ تیمێ خواست.
