جاسم سەبری
پشکا کارگێری نەخوشخانە بۆ ماوێ چەندین سالان ل پەیمانگەها زاخۆ یا تەکنیکی هاتە ڤەکرن و ب سەدان قۆتابی د چەندین گەرێن دەرچوونێ دا پێشکێش جڤاکی کرن، لێ مخابن گرنگی ب ئەڤی زانستی نەهاتە دان و دەرچوویێن وان بتنێ بوون خودان باوەرنامەیێن بێکار .
لڤێ داویێ ڤەکولینەکا تیۆری و پراکتیک ژ لایێ دکتورەکێ زانکۆیا زاخۆ هاتیە نڤێسین و بەلاڤکرن د گۆڤارەکا زانستی یا وەلاتێ ئوردنێ دا لژێرناڤێ ( رولێ سەرکردایەتییا دیبلوماسی ل گرێدانا فەرمانبەران ب ناخێ رێکخستنا ل نەخوشخانەیان ) .
ڤەکولین لکەرتێ تەندروستی ل پارێزگەها دهوک ب گشتی هاتیە ئەنجامدان ، 110 فەرمانبەر ل کەرتێ تەندروستی ل نەخوشخانا هاتینە وەرگرتن بو وەرگرتنا پێزانینا سەبارەت ئاستێ دیبلوماسیەتێ ل دەف رێڤەبەر و سەرکردێن کەرتێ تەندروستی و ئاستێ گرێدانا فەرمانبەران ب نەخوشخانێ ..
ئەنجامێن ڤەکولینێ دیاردکەت کو دیبلوماسیەت ل دەف رێڤەبەرێن نەخوشخانەیان ب ئاستەکی ناڤنجییە و پێدڤییە گرنگی بهێت دان بئاڤاکرنا شیانێن دیبلوماسیەتێ بو ئامادەکرنا وان بو ئەرکێ رێڤەبرنێ ل کەرتێ تەندروستی ب مەرەما بلندکرنا کاریگەرییا شیانێن دیبلوماسی بەری بهێن دانان وەک رێڤەبەر .. و گرنگیدان ب رونکرنێ و روونبونێ و کاراکرنا شیانێن پەیوەندییان و گیانێ هەڤکاریێ ل دەف رێڤەبەران .. ب مەرەما پێشخستنا شێوازێ سەرکردایەتییا دیبلوماسی کو شێوازەکی تایبەتە ژ شێوازێن سەرکردایەتیێ .
لێ مخابن :
ژبەر کو پتریا فەرمانبەر و کاربدەستێن نەخۆشخانەیان نوژدار و پەرستار و دەرچوویێن پشکێن تەندرۆستی نە و ئەرکێ وان نشتەگەری و چارەسەریە لگۆرەی ئەوێ ڤەکولینێ بۆمە دیاردبت نەشیاینە ڕۆلێ خوە د ئیدارەکرنا نەخوشخانا بگشتی و هەڤکاری و پێشوزیکرنا نەخوش و سەرەدانکەران دا بگێرن و ئاستێ برێڤەبرنا وان لاوازە، ژ خوە وەک خەلک ژی دیارە کا چەند ژ ئاستێ برێڤەبرنێ ل نەخوشخانەیان چەندە نەرازینە .
لەوا لڤێرێ وەک دەرچوویەکێ پشکا (کارگێری نەخوشخانە) بۆ هەمی دەزگەهێن بەرپرس پێشنیار دکم چاڤ خشاندنەکێ ل دەرچوویێن ئەڤێ پشێ بکن و هەرچنەبت مفا ژ شیانێن وان بهێتە وەرگرتن ل دامودەزگەهێن تەندرۆستی ب دامەزرینن .
لڤێ داویێ (100) کەس ل سەر پشکا ئیدارا سەربخوە یا زاخۆ ل نەخوشخانەیێن زاخۆ هاتن دامەزراندن ژ هەمی پشکێن تەندرۆستی (1) دەرچوو بتنێ ژی ژ پشکا کارگێری نەخوشانە د لیستا دامەزراندنێ دا نەبوو .
ژبەر چی و بۆچی نزانم ؟
