<h3 style="text-align: justify;"><span style="font-size: 18pt;">سهرۆكوهزیرێن عیراقێ پێشوازى ل وهزیرێ بازرگانییا سعوودییێ كر و دووپاتى ل هندێ كر، بهغدا بۆ ریازێ د ههموو كهرتێن جۆدا دا و پێشڤهبرنا پهیوهندییێن دوو قۆلى یا ڤهكرییه.</span></h3> <h3 style="text-align: justify;"><span style="font-size: 18pt;">نڤیسینگهها راگههاندنا سهرۆكوهزیرێن عیراقێ راگههاند، محهمهد شیاع سوودانى پێشوازى ل ماجد ئهلقهسبى وهزیرێ بازرگانییا سعوودییێ و شاندێ دگهلدا كر، د دیدارێدا پێداچوون بۆ هاریكارییێن دناڤبهرا ههردوو وهلاتاندا و پێشڤهبرنا پهیوهندییێن دوو قۆلى بۆ بهرژهوهندییا ههردوو وهلاتان هاته كرن.</span></h3> <h3 style="text-align: justify;"><span style="font-size: 18pt;">سوودانى دووپاتى ل وێ چهندێ كر، دهرفهت بۆ پێشڤهبرنا ههڤپشك دگهل سعوودیه د كهرتێن جۆدا دا ب تایبهت ئهوێن پهیوهندى ب لایهنێن ئابوورى و وهبهرهێنانێڤه ههی و هاریكارى دبوارێ وزهیێدا و رووبرووبوونا كارتێكرنێن گوهۆرینێن سهقایى و بزاڤكرن بۆ كێمكرنا گرژییێن دهڤهرێ ههیه.</span></h3> <h3 style="text-align: justify;"><span style="font-size: 18pt;">دراگههاندنێدا هاتییه ژى، ماجد ئهلقهسهبى وهزیرێ بازرگانییا سعوودییێ دووپات كر، بهردهوامبوونا كارى ژ چارچووڤێ جڤاتا ههماههنگییا دناڤبهرا عیراق و سعوودییێدا، هاریكارییا ههردوو وهلاتان د بوارێن ئابوورى و وهبهرهێنانێ و گهشتیارى و ئێمناهییێدا و بوارێن دى ب خۆڤهدگریت.</span></h3>
