ئه‌ڤرۆ ئێكه‌م رۆژا سالا كوردى یه‌ و ده‌ستپێكا وه‌رزێ بهارێ یه‌

ئه‌ڤرۆ 21ى ئادارێ، ئێكه‌م رۆژا وه‌رزێ بهارێیه‌ كو دهه‌مان ده‌مدا دبیته‌ ئێكه‌م رۆژا سالنامه‌یا كوردى كو دبیته‌ سالا (2732)ێ و د سالانامه‌یا كوردیدا ئادار ئێكه‌م هه‌یڤا كوردى یه‌ و ‌ب جه‌ژنا نه‌ورۆزێ ده‌سپێدكه‌ت.
سه‌رسالا كوردی ب خوشترین رۆژا وه‌رزێ بهارێ دناڤا سرۆشتیدا ده‌سپێدكه‌ت كو ب نه‌ورۆز هاتیيه‌ ناڤكرن، و ئه‌ڤێ جه‌ژنێ‌ دیرۆكه‌كا كه‌ڤنار هه‌یه‌ و هنده‌ك ڤه‌كۆله‌ر لدور ده‌ستپێكا نه‌ورۆزێ دبێژن، جه‌ژنا نه‌ورۆزێ كه‌ڤنترین جه‌ژنا مرۆڤايه‌ لسه‌ر ئه‌ردى. لدووڤ وان ڤه‌كۆلینێن لسه‌ر ڤى جه‌ژنێ هاتینه‌كرن، كه‌ڤنترین مرۆڤێن سه‌ر روویێ ئه‌ردى ل ده‌مێ د شكه‌فتان دا دژیان، رۆژا ئێكێ ژ وه‌رزێ بهارێ دكره‌ جه‌ژن.
ل 21ى ئادارێ ل كوردستانێ چه‌ندین چالاكیێن جوراوجۆر و ئاهه‌نگ دهێنه‌ گێران و سه‌رێ سالا كوردى بلند دهێته‌ راگرتن و ئاگرێ نه‌ورۆزێ ل هه‌مى باژێر و باژێركان دهێته‌ هه‌لكرن.