ده‌مێ خۆ بەربژارکرنێ بۆ جڤاتا کۆمیسیاران هاتە راگه‌هاندن

ل رۆژا 5 ی نیسانا 2023 هه‌تا 15 ی نیسانا 2023 ێ” ده‌رگه‌هێ خۆ به‌ربژاركرنێ بۆ جڤاتا كۆمیسیاران دێ یێ ڤه‌كری بیت.

دەرگەهێ خۆ بەربژارکرنێ بۆ جڤاتا کۆمیسیاران ل کۆمسیۆنا بلند یا هەلبژارتن و راپرسییێ ل هەرێما کوردستانێ هاتە ڤەکرن و هەر کەسێ بڤێت پێشکێش بکەت، كۆمسیۆنێ ده‌مێ هنارتنا سیڤیان دیار کرییه‌.

رۆبینە ئوملیک عەزیز، ئەنداما لژنا وەرگرتنا سیڤیان بۆ جڤاتا کۆمیسیاران ل پەرلەمانێ کوردستانێ راگەهاند: لژنا وان رێککەفتیە کو هه‌ر ژ رۆژا 5 نیسانا ئەڤ سالە سیڤی یێن وان کەسان وەربگریت یێن بڤێن ببنە ئەندامێن جڤاتا کۆمسیاران ل کۆمسیۆنا بلندا هەلبژارتن و راپرسییان ل هەرێما کوردستانێ.

هەروەسا دیار کریە: بریار بوو به‌ری نوكه‌ سیڤی بهێنە وەرگرتن، به‌لێ ژبەر بهێنڤەدانێن ئادار و نەورۆزێ وەرگرتنا سیڤییان هاتبوو راگرتن.