راهێنهرێ ئیتالى یێ یانهیا ریال مهدرید یا ئسپانى كارلۆ ئهنچیلۆتى دووپاتى ل گرنگییا سهركهڤتنا تیما خوه ل سهر یانهیا بارسێلۆنا دكلاسیكۆیێدا كر، كو بریاره شهڤهكا دى ل دهمژمێر 10 ههردوو یانه ژ چارچووڤێ یارییێن دووێ یێن قووناغا پێش دووماهییا كۆپا شاهێ ئسپانیا ل یاریگهها سپۆتیفاى كامپ نۆ رووبروو ئێك ببن.
دپرێسكۆنفرانسێ بهرى یارییێدا ئهنچیلۆتى دیاركر، ئهو یێن د رهوشهكا باشدا، مۆرالا وان یا بلنده و ب شێوهیهكێ تمام بۆ یارییێ د بهرههڤن و وان گهلهك باوهرى ههیه.
ل دۆر گرنگرییا كلاسیكۆیێ ئهنچیلۆتى ئاشكراكر، كلاسیكۆ بۆ ههموویان ههردهم ب گرنگترین یارى دهێته هژمارتن ژبهركو ههڤركى دڤێ یارییێدا گهلهك یا دژواره، ئهڤ یارییه دێ دهرفهتێ دهته وان بگههینه فینالێ و دێ ههموو شیانێن خوه بۆ تۆماركرنا سهركهڤتنێ مهزێخن.
زێدهتر راهێنهرێ ئیتالى ل دۆر بهراوردییا خوه دگهل راهێنهرێ بارسێلۆنا چاڤى هێرناندێزى ئاشكراكر، یا ب زهحمهته دیدارێن تاك دناڤبهرا راهێنهراندا بهێنهكرن، بارسێلۆنا د دووماهی سێ كلاسیكۆیاندا سهركهڤتن تۆماركر، و نوكه گهرا وایه سهركهڤتنێ تۆماربكهن.
Like this:
Like Loading...
