سه‌رۆكێ حكومه‌تا هه‌رێما كوردستانێ دگه‌ل سه‌رۆككۆمارێ عیراقێ كۆمبوو

سه‌رۆكێ حكومه‌تا هه‌رێما كوردستانێ مه‌سرور بارزانى ژ چارچووڤێ سه‌ره‌دانا خوه‌ بۆ به‌غدا، دگه‌ل له‌تیف ره‌شید سه‌رۆككۆمارێ عیراقێ كۆمبوو.

دكۆمبوونێدا په‌سنا رێككه‌ڤتنا دناڤبه‌را حكومه‌تا هه‌رێما كوردستانێ و حكومه‌تا فیدرالدا بۆ هنارده‌كرنا په‌ترۆلا هه‌رێما كوردستانێ هاته‌ كرن، و رۆلێ شاندێن هه‌ردوو لایان د گه‌هشتنا ڤێ رێككه‌ڤتنێدا بلند هاته‌ نرخاندن.

د ته‌وه‌ره‌كێ دییێ كۆمبوونێدا، دووپاتى ل گرنگییا په‌سه‌ندكرنا قانوونا بودجه‌یا عیراقێ ل جڤاتا نوونه‌ران و ئاماده‌كرنا پرۆژه‌قانوونا په‌ترۆل و گازا فیدرال هاته‌ كرن.