بەیار بەهجەت
دوهی ل رێکەڤتی ٢٠٢٣/٤/٤ ل باژێرێ بەاغد و ب ئامادەبوونا سەرۆکێ حکومەتا هەرێما کوردستانێ رێزدار (مەسرور بارزانی) و سەرۆک وەزیرێن حکومەتا فیدرال بەرێز (سودانی) رێکەڤتنەکا دەمکی ژبۆ هنارتن و ب بازارکرنا نەفتا هەرێما کوردستانێ هاتە ئیمزاکرن.
گرنگییا رێکەڤتنێ:
ژبەر کو ئەڤ رێکەڤتنا دەمکی دێ بیتە بنەمایەک ژبۆ یاسا بودجەیا فیدرال و یاسا نەفت و گازا فیدرال لەورا گرنگییەکا ئێکجار زۆر هەیە چونکی ئەڤ رێکەڤتنە دوو تەوەرێن گرنگ بخوەڤە دگریت ئەوژی هەم بازارکرن هەمژی هنارتنە، وەکی هنارتن دێ هەر دهەمان رێکا بەری نوکە بیت ئەوژی دێ نەفتا هەرێمێ ب رێیا بۆریان دێ چیتە بەندەرێ جەیهانێ ترکی ل سەر دەریا ناڤەراست و ژ وێرێ ژی بۆ بازارێ نەفتا هەرێمێ.
وەکە بازار کرن کو ئەڤەیە یا گورانکاری ب سەردا هاتی کو بەری نوکە ل ٢٠٢١٤/٩/١٤ ئێکەم جاربووی کو نەفتا هەرێما کوردستانێ هاتییە بازارکرن ژلایێ کۆمپانییەکا تورکیڤە کو بازار بۆ نەفتا هەرێ ڤەدیتن هەر ژ چین و سنگافور و ئەمریکا و گەلەک جهێن دی.
ل دیف رێکەفتنا نوی دێ نەفتا هەرێمێ ب رێیا کۆمپانیا سومو یا حکومی هێتە بازارکرن ئەڤ ژی ژچەند لایەکاڤە باشییێن خوە هەنە وەکی:
•نەفتا هەرێمێ دێ ب هەمان بها هێتە فروتن یا کو سومو نەفتێ پێ دفروشیت.
•ئەو کێشەیێن یاسایی یێن بەریا نوکە بۆ هەرێمێ چێدبوو نوکە دێ چارەبن.
•دەلیڤە بۆ رێکەڤتنەکا درێژخایەن هەیە کو دێ بەردەوامیێ دەتە پێشکەڤتنا کەرتێ نەفتێ .
