دلشاد شەهاب: سەرۆکێ هەرێما كوردستانێ بۆ دو مه‌ره‌مان سەره‌دانا بەغدا کرییە

دلشاد شه‌هاب په‌یڤدارێ سه‌رۆكاتییا هه‌رێما كوردستانێ راگه‌هاند كو سه‌رۆكێ هه‌رێما كوردستانێ نێچیرڤان بارزانى بو دو مه‌ره‌مان هاتبوو داخواز كرن ئێك ژ وان سالییادا 42 ێ یا دامه‌زراندنا رێكخراوا به‌در بوو و ئێڤارى ژى هه‌لكه‌فتا 43 ێ یا شه‌هیدكرنا محه‌مه‌د باقر حه‌كیمی وهه‌ر وه‌سا ئه‌و پێدڤیێن كو عیراق وهه‌رێما كوردستانێ تێدا ده‌رباز دبیت و بۆ پێشڤه‌برنا په‌یوه‌ندییان دێ زنجیره‌‌كا كۆمبوونان هێنه‌ ئه‌نجامدان ل گه‌ل سه‌رۆك كۆمارێ عیراقێ و سه‌رۆك وه‌زیرێن عیراقێ و سه‌رۆكێ ده‌ستهه‌لاتا دادوه‌رى و ل گه‌ل كۆمه‌كا سه‌ركردێن سیاسى یێن پشكدار د حكومه‌تێ دا.

 هه‌روه‌سا گۆت ژی: حكومه‌تا سوودانى ژ سێ لایه‌نێن سونه‌ و شیعه‌ و كوردان پێكهاتییه‌ و رێككه‌فتنه‌ك هه‌ىه‌ دناڤبه‌را وان لایه‌نان ل سه‌ر كارناما حكومه‌تێ كو جڤاتا وه‌زیران ده‌نگ ل سه‌ر دایه‌ و د گۆتارا سه‌رۆكێ هه‌رێمێ دا ته‌كه‌زی ل سه‌ر هاتییه‌ كرن” هه‌رێما كوردستانێ دێ هاریكار بیت بۆ كارناما حكومه‌تێ” هه‌روه‌سا سوودانى گه‌له‌ك ب ئاشكرایی ئاماژه‌  ب رۆل و كاریگه‌رییا سه‌رۆكێ هه‌رێما كوردستانێ كر بۆ چاره‌سه‌ركرنا وان ئاریشێن هه‌ین هه‌روه‌سا نێزیككرنا بیر و بۆچوونان ل سه‌ر ئاستێ عیراقێ ب گشتى و گۆت ژی: سه‌رۆكاتییا كومارا عیراقێ راگه‌هاندنه‌كا فه‌رمى به‌لاڤكرییه‌ كو دلته‌نگییا خۆ ده‌ربریبوو و داخوازا ڤه‌كۆلینان كربوو كو ئه‌گه‌رێن وێ هێرشێ بهێنه‌ به‌رچاڤكرن وئه‌وا لده‌ف مه‌ گرنگ كو ئه‌و ل ده‌ڤه‌ره‌كا پر كێشه‌ و ململانێ دژین دبیت گه‌له‌ك جاران ئه‌م پشكه‌ك نه‌بین ژ وان ململانێن كو ل هه‌رێما كوردستانێ رودده‌ن .

 په‌یڤدا‌رێ سه‌رۆكاتییا هه‌رێما كوردستانێ دبێژیت ژى: گرنگه‌ ئه‌م هه‌ست ب به‌رپرساتییا ئارامى و سه‌قامگیرییێ بكه‌ین و ژیانا خه‌لكى ژ ئه‌وله‌وییاتێن كارێن مه‌بن.