سه‌رۆكاتییا كۆمارا عیراقێ: پێدڤییه‌ توركییا داخوازا لێبۆرینێ بكه‌ت

سەرۆکاتییا كۆمارا عێراقێ ئیدانا “هێرشا تورکییا” بۆ سەر فڕۆکخانا سلێمانییێ دكه‌ت و دبێژیت، چ به‌هانه‌ نینن کو رێكێ بده‌نه‌ تورکیا دناڤا ئاخا هەرێما کوردستانێ و عێراقێ دا لڤینان بکه‌ت.

هه‌روه‌سا گۆتییه‌” ئەڤ هێرشێن ئاشکرا بۆ سەر عێراق و سەروەرییا وێ شەرمزار دکەین، ته‌كهز دكه‌ین چ به‌هانه‌ نینن بۆ هندێ رێكێ ب هێزێن تورکیا بده‌ت ب به‌هانه‌یا هه‌بوونا هێزێن دژبەر ل ئاخا عێراقێ و هه‌كه‌ ئه‌ڤ هێرشه‌ د به‌رده‌وام بن دێ عیراقێ ژی هه‌لوی‌سته‌كێ دژوار هه‌بیت.

سه‌رۆكاتییا كۆمارا عیراقێ داخواز ژ توركییا كرییه‌ كو به‌رپرساتییێ هه‌لبگریت و ب ره‌نگه‌كێ فه‌رمى داخوازا لێبۆرینێ بكه‌ت، دیسان ژی ئه‌ڤان هێرشان راگریت، ئاریشێن خۆ یێن ناڤخۆ ب ڤه‌كرنا كه‌نالێن دانوستاندنێ ل گه‌ل ئالی یێن په‌یوه‌ندیدار چاره‌سه‌ر بكه‌ت.