سەرۆکێ ههڤپەیمانییا دەولهتا قانوونێ ل پەرلەمانێ عێراقێ دبێژیت، بەرەف پێشڤچوونهكا باش د گوتۆبێژێن دناڤبهرا حکومەتا عێراقێ و هەرێما کوردستانێ هەیە، دبێژیت ژی، “عێراق ئارام نابیت، ئەگەر هەرێما کوردستانێ ئارام نەبیت”.
ئەڤرۆ شەمبییێ 8 ی نیسانا 2023 ێ، نێچیرڤان بارزانی، سەرۆکێ هەرێما کوردستانێ پشكداری کر د 42 سالییا دامەزراندنا رێکخراوا بەدر ل بەغدا، پاشی ل گەل نوری مالکی، سەرۆکێ ههڤپەیمانییا دەولەتا قانونێ ل پەرلەمانیێ عێراقێ کۆمبوو.
مالکی دهربارەیی وێ کۆمبوونێ ل گەل سەرۆکێ هەرێما کوردستانێ گۆت: د وێ کۆمبوونا دناڤبهرا مه دا مه بهحسێ رهوشا سیاسی و ئەمنی ل عێراقێ، هەرێما کوردستانێ و ڤێ دهڤهرێ کرییە.
نوری مالکی گۆت ژی، رهوشا ئەمنی و سیاسییا عێراقێ ئارام نابیت، ئەگەر هەرێما کوردستانێ ئارام نەبیت و دبێژیت، ل سەر وی بابهتی ل گهل نێچیرڤان بارزانی ههڤرا و ههڤههلویست بووین.
