كووریا باشوور دخوازیت ل هه‌رێما كوردستانێ كارێن بازرگانى و وه‌به‌رهێنانێ بكه‌ت

رێڤه‌به‌رێ گشتیی وه‌زاره‌تا بازرگانییا حكومه‌تا هه‌رێما كوردستانێ گوت: كۆمپانى و بازرگانێن وه‌لاتێ كورییا باشوور دخوازن ل هه‌رێما كوردستانێ كارێن بازرگانى بكه‌ن، وانژى پێ راگه‌هاندییه‌ كو دێ هه‌موو ئاسانكارى و هاریكارییان بۆ كه‌ن.

نه‌وزاد شێخ كامل رێڤه‌به‌رێ گشتییێ وه‌زاره‌تا بازرگانییا حكومه‌تا هه‌رێما كوردستانێ بۆ ئاژانسا خانى راگه‌هاند، كۆمپانی و بازرگانێن كووریا باشوور هاتینه‌ هه‌رێما كوردستانێ و دخوازن كارێن بازرگانى ل هه‌رێما كوردستانێ بكه‌ن و ئاسانكارى بۆ بهێنه‌ كرن و ده‌رفه‌ت پێ بهێته‌دان، و وانژى به‌رهه‌ڤییا خوه‌ یا تمام بۆ ئاسانكاریكرنێ دیاركرییه‌.

نه‌وزاد شێخ كامل گوت ژى: كۆمپانى و بازرگانێن كووریا باشوور حه‌زدكه‌ن كارگه‌هان دروست بكه‌ت و خزمه‌تگوزارییێ بكه‌ن، و وانژى پێ راگه‌هاندییه‌ كو دێ هه‌موو ئاسانكارییان بۆ كه‌ن و رێنمایێن نوو دبه‌رژه‌وه‌ندییا كۆمپانییێن بیانیدانه‌، و ئه‌وژى دشێن كاربكه‌ن بێى كو كه‌س ده‌ستێوه‌ردانێ دكاروبارێن واندا بكه‌ت.

دیار ژى كر، ئه‌و كۆمپانییه‌ بۆ هندێ یێن هاتین وه‌كو ده‌ستپێك رێك بۆ بهێته‌ خۆشكرن و بهێن ل هه‌رێما كوردستانێ كار بكه‌ن، ئه‌وژى وه‌كو حكومه‌ت دێ ئاسانكارى و هاریكارییا وان كه‌ن، ژبه‌ركو ئارمانجا وان راكێشانا كۆمپانییێن بیانییه‌ بۆ هندێ بهێن ل هه‌رێما كوردستانێ كار بكه‌ن.