هه‌وار محه‌مه‌د: ل رۆژا چارشه‌مبی دێ ناڤێن به‌ربژاران بۆ جڤاتا كۆمیساران هێنه‌ ئێكلا كرن

ئاژانسا خانی ” زنار تۆڤی:

هه‌وار محه‌مه‌د” په‌یڤدارێ بەشێ هەلبژارتنێن پارتی دیموکراتی کوردستان بۆ ئاژانسا خانی دیار كر، ل رۆژا چارشه‌مبی” ناڤێن به‌ربژاران بۆ ئەندامێن جڤاتا کۆمیساران دێ ئێکلایی بن و ل هه‌مان رۆژ دێ ناڤێن وان پێشكێشی پەرلەمانێ كوردستانێ هێنه‌ كرن.

ناڤهاتی ئه‌و ژی گۆت: بریارە ل رۆژا چارشه‌مبی 12 نیسانێ پارتی دیموکراتی کوردستان ناڤێن به‌ربژاران بۆ جڤاتا كۆمیساران پێشکێشی پەرلەمانێ کوردستانێ بکه‌ت و گۆت ژی” هژمارا ئه‌ندامێن كۆمسیۆنێ 9 كه‌سن و ژ وان ژی دو ئه‌ندام یێن پارتی دیموكراتی كوردستانن و پێنج ئه‌ندامێن دیتر یێن لایه‌نێن دیتر یێن سیاسینه‌ و دو ئه‌ندام ژی بۆ پێكهاتێن توركومان و مه‌سیحینه‌”

لدووڤ وی ماوه‌یێ پەرلەمانی دیار کری، رۆژا 13 ی نیسانا 2023 ێ” دووماهی ژڤانە بۆ پێشکێشکرنا ناڤێن به‌ربژاران.