بێوار عه‌بدولعه‌زیز: هه‌موو تیمێن مه‌‌ د ئاماده‌باشییێ دانه‌

ئاژانسا خانی:

ب ئه‌گه‌رێ هاتنا پێله‌كا بهێز یا باران بارینێ” هشیاری ژ دروستبوونا له‌هییان دهێته‌ دان و رێڤه‌به‌ر‌ییا بەره‌ڤانییا باژێری ل پارێزگه‌ها دهۆكێ دبێژیت، هه‌موو تیمێن مه‌ د ئاماده‌باشییێ دانه‌.

بێوار عەبدولعەزیز، په‌یڤدارێ به‌ره‌ڤانییا باژێری ل پارێزگه‌ها دهۆکێ بۆ ئاژانسا خانی دیار كر: ب سەرپەرشتییا قایمقامێ قه‌زا دهۆكێ لژنەكا بلند بۆ مه‌ترسییا له‌هییان ل دهۆكێ هاتییه‌ هاتییه‌ پێكئینان، هەموو رێڤەبەری یێن دیتر یێن سنوورێ پارێزگه‌ها دهۆكێ تێدا پشكدارن و هەموو دێ د ئامادەباشییێ دابن ژ ئه‌گه‌رێ روودانا مه‌ترسی یێن له‌هییان.”

ناڤهاتی گۆت ژی: سه‌قاناسییا دهۆكێ ئه‌م هایدار كرینه‌” كو ل پشتی نیڤرۆیا ئه‌ڤرۆ دوشه‌مبی هه‌تا رۆژا پێنجشه‌مبی” دێ بارانێن ب هێز ل پارێزگه‌ها دهۆكێ بارن و مه‌ ژی وه‌كو به‌ره‌ڤانییا باژێری ل دهۆكێ ب ره‌نگه‌كێ باش خۆ به‌رهه‌ڤكرییه‌ و بۆ هه‌ر روودانه‌كا نه‌خواستی و روودانێن له‌هییان تیمێن مه‌ د ئاماده‌باشییێ دانه‌” و دیسان مه‌ كۆمبوونه‌ك ژی ل گه‌ل هه‌موو ئه‌فسه‌رێن به‌رگرییا شارستانی ژی ل سه‌ر ڤی بایه‌تی كرییه‌.