كامی كه‌مال: ژ ئه‌گه‌رێ هاتنوچوونا گەشتییاران گه‌له‌ك قەرەبالغ ل دەرگه‌هێ نێڤده‌وله‌تی یێ ئیبراهیم خەلیل دروستبوویە

ئاژانسا خانی:

ئه‌ڤرۆ دوشه‌مبی” كامی كه‌مال” په‌یڤدارێ ده‌رگه‌هێ نێڤده‌وله‌تی یێ ئیبراهیم خه‌لیل” بۆ ئاژانسا خانی دیار كر:  دڤان رۆژان دا” قەرەبالغیەکا زێدە بۆ ھاتنوچوونا گەشتیاران ل دەرگەھێ ئیبراهیم چێبوویە، ئەگەرێ سه‌ره‌كی یێ ڤێ چه‌ندێ ژی ژبەر ھەیڤا رەمەزانا پیرۆز و نێزیک بوونا جەژنا رەمەزانێیە کو رێژەکا گەلەک یا وه‌لاتییان ھاتنوچوونا وەلاتێ تورکییا دکەن.

ناڤهاتی زێده‌تر گۆت: خەلکێ خوە یێ ھێژا ئاگەھدار دکەین کو بەردەوام ل گەل لایەنێ دەرگه‌هێ خابوهور یێ وەلاتێ تورکییا د پەیوەندییێ و ھەماھەنگییێ داینە و کاری بۆ چارەسەرییا چێبوونا قەرەبالغێ دکەین ل ده‌رگه‌هێ ئیبراهیم خه‌لیل یێ نێڤدهو‌له‌تی..