بۆ مووچه‌یێ فه‌رمانبه‌ران عیراق دێ قه‌ران ده‌ته‌ هه‌رێما كوردستانێ

ل دووڤ چه‌ند ژێده‌ران په‌سه‌ندكرنا بودجه‌ى دێ چیته‌ دووماهییا هه‌یڤا گۆلانێ، هه‌تا وى ده‌مى ژى حكومه‌تا عیراقێ ب قه‌ر پاره‌ى بۆ هه‌رێما كوردستانێ هنێریت داكو مووچه‌یێ فه‌رمانبه‌ران بده‌ت.

ژێده‌ر دیاردكه‌ن، ل دووڤ به‌رهه‌ڤییان په‌سه‌ندكرنا بودجه‌ى دێ چیته‌ دووماهییا هه‌یڤا گۆلانێ و هه‌تا وى ده‌مى عیراق به‌شه‌ بودجه‌یا هه‌رێما كوردستانێ ناهنێریت، ژبه‌ركو د برگه‌یه‌كا ره‌شنڤیسا بودجه‌یدا ئاماژه‌ ب هندێ هاتییه‌ كرن، ماف و پابه‌ندییێن دارایى یێن هه‌رێما كوردستانێ ناچنه‌ دبوارێ بجهئینانێدا، هه‌تا كو قانوونا بودجه‌ى بهێته‌ په‌سه‌ندكرن، هه‌تا وى ده‌مى ژى حكومه‌تا عیراقێ دێ ب قه‌ر پاره‌ى بۆ هه‌رێما كوردستانێ هنێریت داكو مووچه‌یێ فه‌رمانبه‌ران پێ بده‌ت.

لژنه‌یا دارایى یا په‌رله‌مانێ عیراقێ ل سه‌ر كۆمبوونێن خوه‌ ب مه‌ره‌ما ئاماده‌كرنا راپۆرتا پرۆژه‌ قانوونا بودجه‌ى یا به‌رده‌وامه‌، پشتى بهێنڤه‌دانێن جه‌ژنێ ژى سه‌ره‌دانێن وه‌زاره‌ت و ده‌سته‌ و پارێزگاران بۆ لژنه‌یێ دێ ده‌ستپێكه‌ن.