سه‌رۆكێ جڤاتا پیرێن ئیتالیا بۆ نێچیرڤان بارزانى: سوپاس كو ل شوونا جیهانێ ل رێزا پێشییێ یا شه‌رێ دژى تیرۆرێ بوون

سه‌رۆكێ هه‌رێما كوردستانێ ل رۆما دگه‌ل سه‌رۆكێ جڤاتا پیرێن ئیتالیا كۆمبوو، ئینیازیۆ لاڕووساى سوپاسییا نێچیرڤان بارزانى كر و گوت: سوپاس كو ل شوونا جیهانێ ل رێزا پێشییێ یا شه‌رێ دژى تیرۆرێ بوون.

نێچیرڤان بارزانى سه‌رۆكێ هه‌رێما كوردستانێ د كۆمبوونه‌كێدا دگه‌ل ئینیازیۆ لاڕووسا سه‌رۆكێ جڤاتا پیرێن ئیتالیا، سوپاسییا ئه‌وى وه‌لاتى كر بۆ هاریكارى و پشته‌ڤانیكرنێ ل عیراقێ و هه‌رێما كوردستانێ ل شه‌رێ دژى داعشێ و به‌رهنگاربوونا تیرۆێ.

سه‌رۆكایه‌تییا هه‌رێما كوردستانێ ئاماژه‌ ب هندێ دا، ژلایێ خۆڤه‌ سه‌رۆكێ جڤاتا پیرێن ئیتالیا سوپاسى و پێزانیێن وه‌لاتێ خوه‌ بۆ هه‌رێما كوردستانێ و رۆلێ پێشمه‌رگه‌ى د شكاندنا داعشێدا ده‌ربرى و دیاركر، ئه‌و سوپاسدارن كو ل شوونا جیهانێ ل رێزێن پێشییێ یێن شه‌رێ دژى تیرۆرێ بوون.

هه‌روه‌سا ئینیازیۆ لاڕووساى په‌یوه‌ندییێن وه‌لاتێ خوه‌ دگه‌ل عیراق و هه‌رێما كوردستانێ ب گرنگ ل قه‌له‌مدان.

دووپاتى ژى ل به‌رده‌وامبوونا پێشڤه‌برنا په‌یوه‌ندییان كر، و هاریكارییێن هه‌ڤپشك و ره‌وشا عیراقێ و ده‌ڤه‌رێ ب گشتى لایه‌نه‌كێ دییێ كۆمبوونێ بوون.