شیرەتکارەکێ سەرۆکێ حوکمەتێ: پێدڤییە رەوشا دەڤەرێن کوردستانی یێن دەرڤەیی ئیدارا حكومه‌تا ھەرێمێ بەرچاڤ بھێتە وەرگرتن

ئاژانسا خانی ” تایبەت:

شیرەتکارێ سەرۆکێ حوکمەتا ھەرێما کوردستانێ بۆ دەڤەرێن کوردستانی ئاشکرا کر، پێدڤییە رەوشا دەڤەرێن کوردستانی یێن دەرڤەیی ئیدارەیا حوکمەتا ھەرێمێ بەرچاف بھێتە وەرگرتن و نابیت خانی و ئەرد لسەر خەلکێ دەرڤەیی وان دەڤەران بھێتە تاپۆکرن.

دژوار فایەق، شیرەتکارێ سەرۆکێ حوکمەتا ھەرێما کوردستانێ بۆ ئاژانسا خانی دیار کر” بڕیارا حوکمەتا عێراقێ بۆ تاپۆکرنا ئەرد و خانیان ل ھەموو دەڤەرێن عێراقێ دێ کاریگەری لسەر دەڤەرێن سنورێ مادێ ١٤٠ ھەبیت، هه‌ر چه‌نده‌ هه‌ر وەلاتییەکێ عێراقی ماف ھەیە ل کیژ پارێزگەھێ بژیت و ئەرد و خانی لسەر ناڤی دھێنە تاپۆکرن، بەلێ دەڤەرێن سنورێ مادێ ١٤٠ تایبەتمەندیا خوە ھەیە و نابیت دەستکارییا وان دەڤەران بھێتە کرن ھەتا ئەو مادێ دستووری نەھێتە بجهئینان.

ناڤهاتی گۆت ژی” ل عێراقێ ھندەک دەڤەر ھەنە” ئاریشە  سەر وان ده‌ڤه‌ران هه‌یه‌” مادەم ئاریشە ل سەر ھەیە باشترە ئاریشا وان بھێتە چارەسەر کرن و  لدووڤدا وەک دەڤەرێن ئاسایی سەرەدەری دگەل دا بھێتە کرن، بەرۆڤاژی ھژمارەکا زۆرا عەرەبێن ھاوردە ھاتینە کەرکووک و خانەقین و دەشتا نەینەوا ئەگەر ئەو بڕیار بھێتە بهئینان ئەڤە دێ دیمۆگرافییا وان دەڤەران ھێتە گۆھۆڕین و پێدڤییە رەوشا دەڤەرێن کوردستانی یێن دەرڤەیی ئیدارا حوکمەتا ھەرێما کوردستانێ بەرچاڤ بھێتە وەرگرتن.