ژ ئەگەرێ ئەنجامێن خراب ڕاهێنەرێ یانا زاخۆ دەست ژ کار کێشانا خۆ ڕاگەهاند

پەیامنێرێ ئاژانسا خانێ ل زاخۆ دیارکر، پشتی چەندین شکەستن و وەکهەڤییێن ئێک لدووڤ ئێک ڕاهێنەرێ یانا زاخۆ حەیدەر عەبدالئەمیری دەست ژ کار کێشانا خوە ڕاگەهاند.

پەیامنێرێ ئاژانسا خانی ئاماژە کر، دەست ژ کارکێشانا ڕاهێنەرێ یانا زاخۆ د دەمەکی دایە، پشتی یانا زاخۆ وەکهەڤبووی دگەل یانا قاسم و جەماوەری خرڤەبوونەک ل بەردەرێ یاریگەهێ ئەنجامدای و داخازا دەست ژ کارکێشانا ڕاهێنەری کری.

دیارکر ژی، یانا زاخۆ یا وەرزشی دوهی د رۆپەلا خوە یا فەرمی ل تۆرا جڤاکییا فەیسبووکیدا ڕاگەهاندبوو، لدووڤ بڕیارا کارگێری یا یانا زاخۆ، ژبەر ئەنجام و ئاستێ خراب یێ تیما زاخۆ یا پشکدار د خولا نایابا عێراقێ دا، بڕیار هاتەدان 20 % مووچەیێ دەستەیا راهێنەر و یاریزانان بهێتە بڕین.