گوهدار شێخۆ، سەرپەرشتێ ئیدارا سەربەخۆ یا زاخۆ د پەیامەکێ دا ڕاگەهاند، جوانترین پیرۆزباهییان ئاراستەیی هەموو کرێکارێن جیهانێ و ب تایبەت کرێکارێن کوردستانێ یێن ب ڕۆمەت دکەم، هوون تەخەکا کاریگەر و بەرچاڤ و ئاڤاکەرێن وەلاتینە، کەد و خزمەتا هوون پێشکێشی خەلک و وەلاتێ خوە دکەن جهێ ڕێز و تەقدیرێ یە.
دەقێ پەیاما گوهدار شێخۆ:
ب ھەلکەڤتا ھاتنا 1ی گولانێ سالرۆژا جیھانییا کرێکاران جوانترین پیرۆزباهییان ئاراستەیی هەموو کرێکارێن جیهانێ و ب تایبەت کرێکارێن کوردستانێ یێن ب ڕۆمەت دکەم، هوون تەخەکا کاریگەر و بەرچاڤ و ئاڤاکەرێن وەلاتینە، کەد و خزمەتا هوون پێشکێشی خەلک و وەلاتێ خوە دکەن جهێ ڕێز و تەقدیرێ یە.
لەورا ژی هوون سیمبۆلێن گەشێن دیار و بەرچاڤن د ناڤ تەخ و جڤاکێن خوەدا،ب ھێڤیا بەختەرەوریێ دژیانێدا بۆ ھەموویان دخوازم و ھەمی رۆژێن وە ب خوەشی و جوانی و بەختەوەری دەربازببن، و هەروەسا ب هێڤییا باشتر پاراستنا مافێن وە یێن ڕەوا.
