سامان به‌رزنجى : نه‌هـ نه‌خۆشخانه‌یێن كوردستانێ باوه‌رییا بۆردێ نوشدارییێ ئوردنێ وه‌رگرت

وه‌زیرێ ساخله‌مییا هه‌رێما كوردستانێ راگه‌هاند، نه‌هـ نه‌خۆشخانه‌یێن پارێزگه‌هێن هه‌ولێر، سلێمانى و دهۆكێ باوه‌رى ژلایێ تیما ئوردنێ ڤه‌ بۆ بكارئینانا وان وه‌كو سه‌نته‌رێ راهێنانان بۆ نوشدارێن بۆردێ كوردستانێ و بۆردێ ئوردنێ وه‌رگرت.

سامان به‌رزنجى وه‌زیرێ ساخله‌مییا هه‌رێما كوردستانێ دیاركر، نه‌هـ نه‌خۆشخانه‌یێن پارێزگه‌هێن دهۆك، هه‌ولێر و سلێمانییێ باوه‌رى ژلایێ تیما ئوردنێ ڤه‌ بۆ بكارئینانا وان وه‌كو سه‌نته‌رێ راهێنانان بۆ نوشدارێن بۆردێ كوردستانێ و بۆردێ ئوردنێ وه‌رگرت، دێ سه‌نته‌رێن باوه‌رپێكرى بن بۆ تاقیكرنان و راهێنانان و بده‌ستڤه‌برنا بسپۆرییێن نوشدارى.

سامان به‌رزنجى راگه‌هاند ژى، بسپۆرییێن ئه‌ڤرۆ پێكهاتبوون ژ بسپۆرییا هناڤان، نشته‌رگه‌رییێن گشتى، ژن و ژ دایكبوون، زارۆك و  تیشك و سۆنارێ.

وه‌زیرێ ساخله‌مییا هه‌رێما كوردستانێ دووپاتكر، ئه‌ڤه‌ ده‌ستكه‌ڤته‌كێ مه‌زنه‌ د بیاڤێ نوشدارییا هه‌رێما كوردستانێدا و ب گرنگییه‌كا مه‌زن ڤه‌ ته‌ماشه‌ دكه‌ن، هیڤییا وان ئه‌وه‌ ل پاشه‌رۆژێ خزمه‌ته‌كا زێده‌تر دبیاڤێ نوشدارییێدا بكه‌ن.