ب كوژمێ زێده‌تر ژ دوو ملیار دیناران پرۆژه‌یێن خزمه‌تگوزاى دێ ل زاخۆ هێنه‌ بجهئینان

ل سه‌ر راسپارده‌یا سه‌رۆكێ حكومه‌تا هه‌رێما كوردستانێ ب كوژمێ زێده‌تر ژ دوو ملیار دیناران پرۆژه‌یێن خزمه‌تگوزارى ل سنۆرێ ئیداره‌یا سه‌ربه‌خۆ یا زاخۆ دێ هێنه‌ بجهئینان.

ل سه‌ر راسپارده‌یا مه‌سرور بارزانى سه‌رۆكێ حكومه‌تا هه‌رێما كوردستانێ، گوهدار شێخۆ سه‌رپه‌رشتێ ئیداره‌یا سه‌ربه‌خۆ یا زاخۆ ب كوژمێ دوو ملیار و 157 ملیۆن و 373 هزار و 500 دیناران، به‌رێ بنیاتى بۆ چه‌ند پرۆژه‌یان ل سنۆرێ ئیداره‌یا سه‌ربه‌خۆ یا زاخۆ دانا.

ئه‌و پرۆژه‌یێن به‌رێ بنیاتى بۆ هاتییه‌ دانان پێكهاتینه‌ ژ به‌رفره‌هكرنا جادده‌یا پێشمه‌رگه‌، پرۆژه‌یێ دروستكرنا نه‌خۆشخانه‌یه‌كا ئۆتیزمێ، پرۆژه‌یێ دروستنكرنا ئاڤرێژان بۆ كۆمه‌لگه‌ها ئاكنجیبوونێ یا كێمده‌رامه‌تان و گرێدانا وى ب تۆرا ئاڤرێژێن سه‌ره‌كیڤه‌.

گوهدار شێخۆى ل دۆر ڤان پرۆژه‌یان دیاركر، پێشكێشكرن و بجهئینانا پرۆژه‌یێن خزمه‌تگوزارى ل سه‌ر راسپارده‌یا مه‌سرور بارزانى بۆ خه‌لكێ ڤێ ده‌ڤه‌رێ دێ یا به‌رده‌وام بیت.