ڕێکخەرێ ڕاسپاردێن نێڤدەولەتی، د ڕاگەهاندنەکێدا دیارکریە، ل بن ڕۆناهییا هندەک هێرشان کو ل ڤان دوماهییا ل چەند مالپەڕێن دیارکریو سنووردار د تۆرێن جڤاکیدا کو ل دژی پێکهاتەیا ئێزدییان هاتبوو ئەنجامدان، ل ئەینییا بووری چەند مامۆستایەکێن ئایینی کو ڕێژەیا وانژ چار بۆ پێنج کەسان زێدەتر نەبوو، ڕوهنکرن ل سەر بابەتی دابوو، بەلێ میدیا و تۆرێن جڤاکی یێن دەستەکێ تێکدەر هەبوون و دڤیانبابەتی ب خرابی بکار بینن.
ئاماژە کریە، حکومەتا هەرێما کوردستانێ ڕادگەهینیت کو ئیرادەیا بێ ڕاوستیان بۆ پاراستن و بەرەڤپێشبرنا مافێ برایێن ئێزدیی یێ هەی.
گۆتیە ژی:”سەرەڕای شەرمزارکرنا وی کاری، حکومەتا هەرێمی ڕادگەهینیت کو ل هەرێما کوردستانێ شەش هزار و 500, مزگەفت ومینبەرێن هەنە، ژ سەرجەمێ وێ ژمارەیێ ب تنێ چار بۆ پێنج مزگەفتان باس ل هێرشکرنا سەر مزگەفتا موسلمانان ل شنگالێ کریە وپاشی ئەو مامۆستایێن بەڕێز ژی دگەل مامۆستایێن ئێزدیی ڕوونشتینە و د کۆنگرەیەکێ ڕۆژنامەڤانیدا دوپاتکریە کو مەرەما وان بەلاڤکرناگوتارا ڕەق نەبوویە و ب تنێ ئاماژە کریە کو چەند گەنجەکێن ئێزدیی ب ڕێکا بکارئینانا هاڤێتنا بەران هێرش ل سەر مزگەفتەکێ کریە لشنگالێ و ئەڤەژی وێ نا گەهینیت کو هەمی ئێزدیی بهێنە تاوانبارکرن، بەلکو وەک ئایینێ پیرۆز یێ ئیسلامێ پێدڤییە ڕێز ل هەمی ئازادییێندی بهێتە گرتن و ڕێک ژی ب وی دەستێ دەرەکی بهێتە گرتن یێ کو دڤێت پێکڤە ژیانا پێکهاتەیان ل هەرێما کوردستانێ تێکبدەت.
دیارکریە ژی، حکومەتا هەرێما کوردستانێ، ئیدانەیا هەر گوتارەکا نە بەرپرسانە و ڕەق دکەت کو ب شێوەیەکێ دژایەتیکارانە بزاڤێ بۆتێکدانا ناڤودەنگییا ئێزدییان بکەت.
