ژێدەرەکی تایبەت بۆ ئاژانسا خانی دیارکر، ل ڕۆژێن پێنجشەمبی ئەینی 5 و 6 گولانا 2023, ل باژێرێ هەولێرێ دزی ژ دوو مالان کرن وکۆژمەکێ مەزن ژ پارە و زێڕان دزین.
وی ژێدەری گۆت،” ل ڕۆژا ئەینی دوو کەسان ب جلوبەرگێن لەشکەری هێرشی مالەکێ کریە کو ژنەکا د ژیێ 67 سالیێ دا ب تنێ تێدا دژیا و کۆژمێ 20 هزار دۆلار و 125 مسقالێن زێڕی، ژ وێ دزینە و ب کەتەری زێڕێن ل دەستێ وێ ژی د بڕن و دبەن.”
دیارکر ژی، هەڤدەم سپێدەهیا ڕۆژا چارشەمبی ل تاخێ ڕەوشەنبیری یێ هەولێرێ چار کەس ب جلوبەرگێن ئاسایشێ ڤە چووینە سەرمالەکێ و 20 هزار دۆلار و 10 ملیۆن دینار ژێ دزینە.
ژێدەری ئاماژە کر ژی، ل گۆرەی گۆتنێن خودانێ خانی دزیکەران ب ناڤێ ئاسایشێ خۆ دایە نیاسین و باس ل هندێ کریە کو نووچەوەرگرتینە ل مالا وی ماددەیێن بێهوشکەر هەنە و پاشی دەست و پیێن هەمی ئەندامێن خێزانا وی گرێداینە و دزی ژ مالا وی کرینە و ڕەڤینە.
