ڕێڤەبەرییا پۆلیسێن ئاکرێ ڕاگەهاندیە،”ئەڤرۆ ل دەمژمێر 4:00 ئێڤاری, ئەم هاتینە ئاگەهدارکرن ژلایێ بنگەهێ پۆلیسێن گردەسێن ڤە کوروودانەکا کۆشتنێ ل گوندێ کێلەسپی سەر ب ناحیا گردەسێن ڤە هاتیە روودان.”
پۆلیسێن ئاکرێ ئاماژە کریە، ئێکسەر پۆلیسێن بەلگێن تاوانا و نڤیسینگەها نەهێلانا گونەهباریا سیپە دگەل پۆلیسێن بنگەهێ گردەسێنلجهێ روودانێ ئامادەبوون کو تێدا ئافرەتەکا تەمەن (٢٦) سالی بناڤێ (ك ـ أ ـ ح) هاتبوو کۆشتن.
دیارکریە ژی، لدووڤ ڤەکۆلینێن دەستپێکی دیاربوو کو ژلایێ برايێ وێ ڤە ب چەکی هاتیە کۆشتن و د نوکە دا لاشێ تاوان لێکریێ هاتیەرەوانەکرن بۆ پزیشکییا داد ل پارێزگەها دهوکێ.
پۆلیسێن ئاکرێ ئاماژە کریە،”دۆز بۆ تاوانێ هاتیە ڤەکرن لدیف بەندێ (405.س) و فەرمانا گرتنێ ژلایێ دادوەرێ ڤەکۆلینێڤە بۆ تاوانباردەرکەڤتیە و ڤەکۆلین یا بەردەوامە.”
