پەیڤدارێ پشکا هەلبژارتنێن پارتی: پارتی و ئێکەتی دێ کۆمبن

هەوار محەمەد، پەیڤدارێ پشکا هەلبژارتنێن پارتی، بۆ ئاژانسا خانی ڕاگەهاند، کۆمبوونا ئەڤرۆ یا دناڤبەرا مەسرور بارزانی، سەرۆکوەزیرێن هەرێما کوردستانێ و قوباد تالەبانی، جێگرێ سەرۆکوەزیران دا، سەقایەکێ ئەرێنی بۆ هەردوو پشکێن هەلبژارتنێن پارتیا دیموکراتا کوردستانێ و مەکتەبا هەلبژاتنێن ئێکەتییا نیشتیمانییا کوردستانێ دا پەیدا کر بۆ ڕێککەفتنا دوماهییێ ل سەر پرسا هەلبژارتنان.

 هەوار محەمەد گۆتژی:”بۆ ڤێ مەرەمێ ژی د چەند ڕۆژێن بهێتدا پارتی و ئێکەتی دێ کۆمبن و گۆتوبێژان ل سەر دوماهی خالێن پێدڤی بۆ هەلبژارتنان کەن.”

  پەیڤدارێ پشکا هەلبژارتنێن پارتی ئاماژە کر ژی،”دهێتە پێشبینیکرن ل حەفتیا داهاتی تیمێ وەزاری یێ ئێکەتییا نیشتیمانییا کوردستانێ دوبارە ڤەگەڕیتە کۆمبوونێن جڤاتا وەزیران.”