د رێورەسمهكێ ژ ههژی دا، ب ئامادەبوونا د. سالار ئۆسمان بەرپرسێ پشكا رهوشهنبیری و راگەهاندنا پارتی دیمۆكراتی كوردستان و هژمارهكا رهوشهنبیر و ھونەرمەند و رۆژنامەنڤیس و کەسایەتی یێن دیار، ئۆفیسا سلێمانییێ یا پشكا رهوشهنبیری و راگەهاندنا پارتی دیمۆکراتی کوردستان هاته ڤهکرن.
د. سالار ئۆسمان” بهرپرسێ پشكا رهوشهنبیری و راگەهاندنا پارتی دیمۆکراتی کوردستان” بۆ ئاژانسا خانی دیار كر: ڤهكرنا پشكا رهوشهنبیری و راگههاندنێ ل ئۆفیسا سلێمانییێ پتر ژ رامانهكێ ههیه” گرنگترین رامانێ وێ پێكهاتییه ژ هندێ” كو مه دڤێت نێرینا پارتی دیمۆكراتی كوردستان بگههینیه دهڤهرێن سلێمانییێ و ب نێرینا ئازادی و ئاشتی و دیمۆكراسی و پێكڤه ژیان و پرهنسیپێن مهزن یێن رێبازا بارزانییێ نهمر” ب ڤهكرنا ڤێ ئۆفیسێ پتر ژ مه دهێته خواستن” كو ئهم باشتر پهیوهندی یێن كلتۆری دروست بكهین ل گهل رهوشهنبیران ل ههموو باژێران” ب تایبهتی ژی ل گهل باژێرێ سلێمانییێ كو پایتهختێ رهوشهنبیرییێ یه.
ناڤهاتی گۆت ژی: د نوكه دا میدیا ل كوردستانێ د رهوشهكا خراب دایه” مه دڤێت پهیوهندییهكا باش ل گهل میدیاكارێن كوردستانێ دروست بكهین و بهرهف رهوشهكا ئهرێنی ببهین” پێكڤه بشێین هزر بكهین و چارهسهرییا وان ئاریشان بكهین یێن كو ل كوردستانێ ههین” دیسان ههبوونا ڤێ ئۆفیسێ پێكهاتییه ژ هندێ” كو نێرینا پارتی ل ههموو جهان دابهش بكهین و پتر پهیوهندی ییێن كلتۆری ل گهل كادرێن سلێمانییێ دروست بكهین و هاریكارییا میدیاكاران بكهین” ئهڤه ئارمانجێن سهرهكی یێن ڤهكرنا ئۆفیسا سلێمانییێ نه.
د. سالاری ئهو ژی دیار كر: ئهڤ ئۆفیسه ههیڤانه دێ چالاكییان ئهنجام دهت و مه هزر ل هندێ كرییه” كو گۆڤارهكا هزری و كلتۆری و فهلسهفی ژی دهربێخین” دیسان دێ چالاكی یێن ههمه جۆر یێن كلتۆری و رهوشهنبیری و هونهری كهین” دیسان دێ پهیوهندی یێن ب هێز ل گهل سلێمانییێ و ههموو دهڤهرێن دیتر و ئیدارا سهربهخۆ یا گهرمییان و دهروازهیێ سهرههلدانێ و پارێزگهها ههلهبجه ژی دروست كهین” ئانكو دێ سهنتهرێ ئۆفیسێ ل سلێمانییێ بیت و دێ پهیوهندییهكا كلتۆری ل گهل ههموو دهڤهرێن دیتر ههبن و دێ پتر خزمهتا كوردستانێ كهین.
