عیراق کۆمپانییێن نەفتێ یێن جیهانێ ئاگەهدار دکەت بۆ بەرهەمئینانێ ل 13 زەڤییێن نەفتێ ل عیراقێ.
ئەڤرۆ دووشەمبی، حەیان عەبدولغەنی، وەزیرێ نەفتا عیراقێ د ڕاگەهاندنەکێدا بەلاڤکریە، کو داخواز ژ کۆمپانییێن نەفتێ یێن جیهانێ دکەت، هەڤرکییێ بکەن بۆ کارکرنێ ل 13 زەڤییێن نەفتێ دا ل باکوور و ناڤەڕاست و باشووێ عیراقێ.
د ڕاگەهاندنێ دا هاتیە، ئارمانجا وەزارەتێ ئەوە کو بەرهەمئینان و یەدەکێ نەفت و غازێ بەرەڤ پێشڤە ببەت و ب هاریکارییا کۆمپانییێن نەفتێ یێن جیهانێ پشتەڤانییێ ل بەرهەمئینەران د کەرتێ نەفتێ دا بکەت.
ئاماژە کریە ژی، ژ وان 13 زەڤییێن نەفت و غازێدا چار ژ وان ل سالا 2018 هاتینە دیتن و نەهێن دی ژی د ڤان دەمان دا هاتینە دیتن و کۆمپانییێن نەفتێ دشێن هەڤرکییێ بکەن بۆ کارکرنێ د وان زەڤییاندا.
دیارکریە ژی، ل پارێزگەها بەسرە سێ زەڤی و ل میسان و واست چار زەڤی و ل بەغدا سێ زەڤی و ل نەینەوا دوو زەڤی و ل پەلکانە ئێک زەڤی هاتینە دیتن و کۆمپانی دشێن ل داهاتی داخوازا وەرگرتنا مۆلەتا کارکرنێ بکرن.
