‘Mind Clemency’ ل  فیسته‌ڤالا فلمێن کوردی ل ئەمستردام هاته‌ خه‌لاتكرن

ئاژانسا خانی:

کورتە فلمێ ‘Mind Clemency’ ژ دەرهێنانا وارمان سەعیدییه‌، د فیسته‌ڤالا دووێ یا نێڤدەولەتییا فلمێن کوردی ل ئەمستردام، خەلاتێ باشترین ئەکتەرێ زه‌لام وه‌رگرت.

 ده‌رهێنه‌ر وارمان سه‌عید” بۆ ئاژانسا خانی دیار كر : ئه‌ڤ فلمه‌ به‌رهه‌مێ حكومه‌تا هه‌رێما كوردستانێ یه‌ ب هه‌ڤكارییا ساڤۆ پرۆده‌كشن و بادینان میدیا به‌رهه‌م هاتییه‌ و به‌رهه‌مێ سالا 2022 ێ یه‌” ئەڤ فلمه‌ بەحسێ ژیانا دو هه‌ڤژینێن ب عه‌مر و مودرێن دكه‌ت، د رودانه‌كا نه‌دیار دا كورێ خۆ ژ ده‌ست دده‌ن، چو تشتان ژێ نزانن، دایکا وی كوری ژ ئه‌گه‌رێ به‌رزه‌بوونا كورێ خۆ تووشی زەھایمەرێ دبیت و بابێ وی ژی زێده‌باری خزمەتێ و حه‌ز ژێكرنا وی بۆ هه‌ڤژینا وی، بزاڤان بۆ باشبوونا وێ دكه‌ت.

 ناڤهاتی گۆت ژی:  ستافێ ڤی فلمی ستافه‌كێ ئه‌كادیمینه‌ و هه‌موو ده‌رچوویێن زانكۆیا سلێمانییێ نه‌ پشكا فلمسازییێ” ل گه‌ل چه‌ند كه‌سان ژ رۆژهه‌لاتێ كوردستانێ” هه‌روه‌سا ل سالا 2011 ێ” ب رێیا راگەهاندنی ده‌ست ب وێنەكرنێ کرییە، ل سالا 2015 ێ “چوویە دناڤا كارێ سینەمایێ دا ، وەکو هاریكارێ دەرھێنەری کار بۆ چەندین فلمان کرییە، ل 2017 ێ” ئێكه‌م بەرهەمێ خۆ ب ناڤێ ‘TOUCH’ پشتی تەمامکرنا خواندنا خۆ ل پشكا دەرهێنانێ ل کولێژا ھونەرێن جوان ل زانکۆیا سلێمانییێ بەرهەمئینایه‌ و پشكداری د چه‌ندین فلمه‌ فیسته‌ڤالێن جیهانی و ناڤخۆیی دا كرییه‌”.

وارمان سەعید دبێژیت ژی: ئه‌كته‌رێ خودان شییان قادر جەلال د کورتە فلمێ  Mind Clemency  رۆلێ سه‌ره‌كی گێرایه‌ و شییا خەلاتێ باشترین ئەکتەرێ زه‌لام د فلمه‌ فیسته‌ڤالا فلمێن كوردی ل ئه‌مستردام وه‌ربگریت.