مەسرور بارزانی، سەرۆکێ حکومەتا هەرێما کوردستانێ، ئەڤرۆ پێشوازی ل شازادە سۆفی، هەڤژینا میر ئیدواردی شازادێ ئەدنبەرە برایێ شاه چارلسی شاهێ بریتانیا کر.
سەرۆکێ حکومەتێ و شازادە سۆفی ، ڕەوشا پێكڤەژیانا ئاشتییانە دناڤبەرا پێكهاتەیێن جودا یێن ل هەرێما كوردستانێ بۆ باشتركرنا كوالێتییا خواندنێ و دەستەبەركرنا خواندنێ بۆ ژن و زارۆكان گۆتۆبێژكرن.
مەسرور بارزانی دووپاتی ل پەیوەندییێن دۆستانە و تایبەت دناڤبەرا هەرێما كوردستانێ و بریتانیا دا كر، هەروەسا سوپاسییا بەردەوامییا هاریكارییا بریتانیا ل هەرێما كوردستانێ تایبەت د بوارێ بەرهەنگاربوونا تیرۆرێ دا كر.
شازادە سۆفی ، كورتییەك لدۆر كارۆچالاكی و ئارمانجا سەرەدانا خۆ بۆ هەرێما كوردستانێ دیاركر كو پێشڤەبرن د پاراستنا مافێن ژن و زارۆك و نەهێلانا توندوتیژیێ بەرامبەر ژنان ب تایبەت ل وان دەڤەران یێن كو تووشی شەڕ و نەئارامییێ بووین، ژ وان ژی ژن و زارۆكێن ئێزدی یێن بووینە قوربانییێن دەستێن تیرۆرستێن داعش، هەروەسا دووپاتی ل پێشڤەبرنا كەلتووری و ڕێزگرتن ل مافێن مرۆڤی ب گشتی و پاراستنا مافێن ژن و زارۆكان كر.
سەرۆكێ حكومەتێ پێگیربوونا حكومەتا هەرێما كوردستانێ بۆ پێشڤەبرنا بنەمایێن یەكسانییا ڕەگەزی و بەرهەنگاربوونا هەمی جۆرێن توندوتیژییێ و جوداكارییێ ل دژی ژنان دووپاتكر.
