دکتور سامان به‌رزنجی، وه‌زیرێ ساخلەمییا حکومەتا هەرێما کوردستانێ ڕاگەهاند، حالەتێ دووێ یێ تایا خوینبەربوونێ ل هەرێما کوردستانێ گیانێ خۆ ژ دەستدا.
دەربارەی حالەتێن تایا خوینبەربوونێ ل هەرێما کوردستانی، وەزیرێ ساخلەمییێ دیارکر، حالەتێ ئێکێ ل ئیدارا سەربەخۆ یا سۆران و حالەتێ دووێ د ناڤ باژێڕێ هەولێرێ دا بووینە و هەردوو حالەتان پەیوەندی ب ئاژەلانڤە هەبوو.
وەزیرێ ساخلەمییێ ئاماژە کر كو ئەو کەسێ دوهی گیانێ خۆ ژ دەستدای ئاکنجییێ هەولێرێ بوو و کارێ وی گۆشتفرۆشی بوو.
گۆتژی:” ئامارێن تایا خوینبەربوونێ ل باژێڕێن عیراقێ گەلەک ژ وان ئاماران زێدەترن یێن کو دهێنە ڕاگەهاندن.”
وەزیرێ ساخلەمییێ داخواز ژ وەلاتییان کر بتنێ ل جهێن فەرمی و ناسیار گۆشتی بکڕن.
