رێڤەبەریا هاتنوچوونا پارێزگهها دهۆکێ چهند رینمایێن نوی بۆ تەکسیان بەلاڤ دكهت و داخواز ژ شۆفێران کریه لەزی د لۆگۆکرنا تەکسیێن خوه دا بکەن و دیاركریه: هەر تەکسیەکا ههتا 15 ی هەیڤا 7 نەهێتە لۆگۆکرن، دێ ژ ئالیێ مەفرەزەیێن هەڤپشک ڤە هێتە سزادان.
رێڤەبەریا هاتنوچوونا پارێزگهها دهۆکێ چهندین رێنمایێن نوی دهرێخستی نه وهكو ، نابیت ترۆمبێلێن تایبەت ل نڤیسینگەهێن ڤەگوهاستنا وەلاتیان کار بکەن، نیشانا رۆناهیێ یا نڤیسینا تەکسیان پێدڤیە ل سەر پێشیا بانێ تەکسیێ بهێتە دانان، پێدڤیە هەموو شۆفێرێن تەکسیان لۆگۆی بۆ ترۆمبێلێن خوه دروست بکەن و نابیت ژێڤە بکەن و دەستکاریێ د کۆدێ تەکسیێ دا بکەن، پێدڤیە ئەو شۆفێرێن لۆگۆیێن ناڤ باژێری هەبیت، بتنێ ل ناڤا باژێرێ کار بکەن و نابیت ژ دەرڤەیی باژێری کار بکەن، هەر شۆفێرەکێ لۆگۆیێ دەرڤەیی باژێری هەبیت، نابیت ل ناڤا باژێری کار بکەت، پێدڤیە شۆفێر هەرسێ کارتێن زانیاریان د ناڤا تەکسیێ دا ب هەلاویسیت.
هەر شۆفێرەکێ پێگریێب ڤان رێنمایان نەکەت، دێ ب کۆژمی 40 هزار دیناران بۆ هەر جارەکا دهێتە دیتن هێتە سزادان و ئەگەر د دەمێ 30 رۆژان دا سزایێ خوه نەدا دێ بیتە دوجا.
