ئەڤرۆ چارشەمبی 7/6/2023 ێ، ب سەرپەرشتییا سەرۆک وەزیران مەسرور بارزانی و ب ئامادەبوونی قوباد تالەبانی جێگرێ سەرۆک وەزیران، جڤاتا وەزیرێن هەرێما کوردستانێ، کۆمبوو.
د بڕگا ئێكی یا وێ کۆمبوونێ دا، سەرۆک وەزیران تیشک خستە سەر داوی پێشهاتێن پڕۆژە یاسایا بودجەیێ عێراقێ بۆ سالێن (2025-2023) و بابەت و بزاڤێن دەستپێکرنا هنارتنا نەفتا هەرێما کوردستانێ د چارچۆڤێ وێ ڕێککەفتنا دناڤبهرا حکومەتا هەرێمێ و حکومەتا فیدرالی دا هاتییه ئیمزا كرن.
جڤاتا وەزیران پشتهڤانییا خۆ بۆ ڕێککەفتنا دناڤبهرا حکومەتا هەرێمێ و حکومەتا فیدرالی دا ل سەر بودجەیی تهكهز كر كو دەرئەنجامێن دانوستاندنێن چڕ و ل سەر بنەمایهكێ یاسایی و زانستیانە و دادپەروەرانە بوویە، لهما داکۆکی ل سهر دەستەبەرکرنا مافێن دەستووری و شایستەیێن دارایی یێن خەلکێ هەرێما کوردستانێ كرن.
جڤاتا وەزیرێن هەرێما کوردستانێ، داخواز ژ ههموو فراکسیۆنێن کوردستانی ل جڤاتا نوونەرێن عێراقی كر كو ب هەماهەنگی و ژ پێخهمهتی ئێکرێزی، بەرگرییێ ژ مافێن دەستوری و شایستە دارایی یێن هەرێمێ دناڤا پرۆژەیاسایێ بودجەیێ عێراقا فیدرالی دا بکەن.
جڤاتا وەزیران بڕیارا ڕاسپاردنا هەردو وەزارەتێن ئاڤەدانکرن و ئاكنجیكرنێ و ناڤخۆ دا کو بەردەوام بن د ڕێکارێن ههڤپشك دا و پێدڤییه سەرۆکێن یەکێن کارگێڕی ل سنوورێ پارێزگههـ و ئیدارێن سەربەخۆ و قەزا و ناحییان، چالاکانەتر کار بکەن بۆ نههێلانا هەر زێده گاڤییهكێ ل سەر ڕێكێن گشتی و نههێلانا بزاڤهكا زێدهگاڤییێ و وەرگرتنا ڕێکارێن قەزايی بەرامبەر سهرپێچكاران.
ههروهسا ب ههلكهفتا هەلبژارتنا سەرۆک کۆمارێ تورکیا و دەست بکاربوونا کابینا نوو یا وهی وهلاتی، جڤاتا وەزیران، پیرۆزباهی ل سەرۆک کۆمارێ تورکیا ڕەجەب تەیب ئەردۆغانی و ئەندامێن کابینا نوو یا حکومەتا تورکیا كر و هیڤییا بەرەف پێشڤهچوونا پەیوەندی یێن هەرێما کوردستانێ و تورکیا ل سەر بنەمایێ جیرانییا باش و بەرژەوەندییێن ههڤپشك.
