رۆژانه‌ نێزیکی 300 کەسان ھاتنوچوونێ ل خالا سنوورییا زێتێ دکەن

ئاژانسا خانی:

غه‌فۆر ئه‌حمه‌د” قایمقامێ قەزا مێرگەسۆر دبێژیت: پشتی خالا سنوورییا زێتێ یا دناڤبه‌را هه‌رێما كوردستانی و توركیا دا هاتییه‌ ڤه‌كرن” نوكه‌ ھاتنوچوون ل وێ خالا سنووری یا بەردەوامه‌ خەلك رۆژانه‌ هاتنوچوونێ ل وێ رێكێ دکەن، د نوكه‌ دا مه‌ چ ئامارێن هوور لبەر دەست‌ نینن، بەلێ رۆژانە نێزیکی 300 کەسان ل وێ خالا سنووری ھاتنوچوونێ دکەن”.

ناڤهاتی دیار كر ژی: ئەو خالا سنووری بۆ ھاتنووچوونا گەشتییاران و بازرگانییێ یه‌، نوكه‌ ئه‌م ل هیڤیا هندێنه‌ كو هه‌موو ئه‌و رێکارێن ماین تەمام ببن و بزاڤا بازرگانی ژی ل وێ خالا سنووری دەست پێبكه‌ت.

ل ماوێ بوری ب ره‌نگه‌كێ فەرمی خالا سنوورییا زێتێ دناڤبه‌را ھەرێما کوردستانێ و تورکیا دا هاتییه‌ ڤه‌كرن.