خالد ڕێکانی ئەندامێ جڤاتا نوونەرێن عیراقێ بۆ ئاژانسا خانی گۆت:” مە وەک فڕاکسیۆنا پارتی ژ ئەگەرێ پەسەندکرنا خالا هەشتێ ژ ماددەیا 14 یا گرێدای پشکا هەرێما کوردستانێ ژ بودجەیا گشتی یا عیراقێ کۆمبوونا جڤاتا نوونەران بجهـ هێلا.”
دیارکر ژی، د نوکەدا د.شاخەوان عەبدوللا، جێگرێ سەرۆکێ پەرلەمانی و محەمەد حەلبووسی، سەرۆکێ جڤاتا نوونەرێن عیراقێ د کۆمبوونێدانە.
ئاماژە کر ژی، فڕاکسیۆنا پارتی ل دژی سەرەدەریا ئێکسەر یا حکومەتا عیراقێ یە دگەل پارێزگەهێن هەرێما کوردستانێ.
دیارکر ژی، “ئەو خالە ل سەر داخوازا ئێکەتییێ ل ماددەیا 14 هاتیە زێدەکرن و ئەم وەک فڕاکسیۆنا پارتی ل دژی ئەڤێ خالێینە، لەورا ژی مە دەنگ ل سەر نەدا و مە هۆلا پەرلەمانی بجهـ هێلا.”
