سهرۆكێ حكومهتا ههرێما كوردستانێ پێشوازى ل وهزیرێ ساخلهمییا ئوردنێ كر و پێشڤهبرنا پهیوهندییان دگهلدا گوتوبێژكر.
مهسرور بارزانى سهرۆكێ حكومهتا ههرێما كوردستانێ ل سهر ئهكاونتێ خوه یێ فهیسبۆكى راگههاند، ئهڤرۆ وان پێشوازى ل فیراس ئهلههوارى وهزیرێ ساخلهمییا شانشینا هاشمییا ئوردنێ و شاندێ دگهلدا كر.
سهرۆكێ حكومهتێ بهحس ل هندێ كر، وهزیرێ ساخلهمییا ئوردنێ سلاڤ و زێرێن شاهـ عهبدولایێ دووێ شاهێ ئوردنێ ب وان گههاندن و ئامادهییا وهلاتێ خوه بۆ ههموو هاریكارى و ههماههنگییهكێ دگهل حكومهتا ههرێما كوردستانێ دهربری.
مهسرور بارزانى گوت ژى : دكۆمبوونێدا ئاماژه ب پهیوهندییێن دیرۆكى ب تایبهت یێن دناڤبهرا ههرێما كوردستانێ و ئوردنێدا هاته كرن، سوپاسى و پێزانینێن ههرێما كوردستانێ بۆ هاریكارى و پشتهڤانییا بهردهوام یا ئوردنێ ب تایبهتى شاهـ عهبدولاى ل ههرێما كوردستانێ دووپاتكرن.
