نێچیرڤان بارزانی: مه‌ داخواز ژ شیره‌تكارێ ئەلمانیا کرییه‌ سەره‌دانا هەرێما کوردستانێ و عێراقێ بکه‌ت

سەرۆکێ هەرێما کوردستانێ ل گه‌ل شیره‌تکارێ ئەلمانیا کۆمبوو و دیار كر: مه‌ داخواز ژ شیره‌تكارێ ئەلمانیا کرییە كو سەره‌دانا هەرێما کوردستانێ و عێراقێ بكه‌ت.

نێچیرڤان بارزانی، سه‌رۆكێ هه‌رێما كوردستانێ و ئۆلاف شۆلتز، شیره‌تكارێ ئه‌لمانیا ئه‌ڤرۆ ل‌ به‌رلین كۆمبوون و سەرۆکێ هەرێما کوردستانێ راگەهاند، ئه‌و سەره‌دانه‌ بۆ ئەلمانیا ل سەر داخوازا شیره‌تکارێ ئەلمانیا بوویە و دیداره‌كا باش بوویە و به‌حسێ پەیوەندی یێن ئەلمانیا ل گەل هەرێما کوردستانێ و عێراقێ و دانوستاندن ل سه‌ر بابەتێن گرنگ یێن هه‌ڤپشك كرینه‌.