<h3 style="text-align: justify;"><span style="font-size: 18pt;">یانهیا پاریس سانجێرمان یا فرهنسى ئوفهرهكا نوو پێشكێشى ستێرا خوه كیلیان ئێمباپى كر.</span></h3> <h3 style="text-align: justify;"><span style="font-size: 18pt;">ههڤبهستا ئێمباپى دگهل یانهیا پاریسى دێ ل هاڤینا سالا 2024ێ ب دووماهى هێت و ئهوى ماف ههیه بۆ سالهكا دیژى ههڤبهستا خوه نوو بكهت، لێ ب شێوهیهكێ فهرمى كارگێرییا یانهیێ ئاگههداركرییه كو وى بهندى ئهكتیف ناكهت.</span></h3> <h3 style="text-align: justify;"><span style="font-size: 18pt;">ل دووڤ پرۆگرامێ چێرینگیتۆ یێ ئسپانى، پاریسێ ئوفهرهكا نوو ههتا سالا 2027ێ پێشكێشى ئێمباپى كرییه و یاریكهر دێ د ههڤبهستا نوودا 500 ملیۆن یورۆیان وهرگریت.</span></h3> <h3 style="text-align: justify;"><span style="font-size: 18pt;">پرۆگرامێ ئسپانى ئاشكراكر، ئهو 500 ملیۆن یورۆیه دێ ل سهر دوو پشكان هێنه بهلاڤكرن، 100 ملیۆن یورۆ وهكو پاداشتێ ئیمزاكرنا ههڤبهستێ، دگهل مووچهیهكێ سالانه كو دگههیته 100 ملیۆن یورۆیان.</span></h3> <h3 style="text-align: justify;"><span style="font-size: 18pt;">ههروهسا چێرینگیتۆى دیاركر، ریال مهدرید چ لڤینان دههڤبهستا ئێمباپیدا ناكهت، ئهگهر پاریس پێنگاڤا ئێكێ یا دهستبهردانێ ژ ستێرا خوه نههاڤێژیت، ئاماژه ب هندێ ژى دا، ئوفهرا پاریس سانجێرمانێ دووماهى پێنگاڤا یانهیێ یه بۆ پاراستنا ئێمباپى، ئهگهر كیلیان رازى نهبوو، دێ نێزیكى ریال مهدریدێ بیت.</span></h3>
