پشتی پێنج ڕۆژێن دیبەیت و پێشکێشکرنا دەهان ڤەکۆڵینێن نوی د بیاڤێ جینۆسایدا گەلاندا ژ لایێ هژمارەکا ڤەکۆڵەرێن نیڤدەوڵەتی یێن ئەندام ل (IAGS) ب ئامادەبوونا “بەرەڤان حەمدی” بەرپرسێ لقا 18 و ل هەمان دەم بریکارێ وەزارەتا کاروبارێن شەهیدان و ئەنفالکریان و شاندێ وەزارەتێ، شازدەمین کۆنفرانسێ رێکخراوا ئێکەتییا زانایێن نێڤدەوڵەتی یا جینۆسایدان (IAGS) ل زانکۆیا بەرشەلۆنەیا هەرێما کەتەلۆنیا یا ئیسپانی ل رۆژا ئەینی ڕێکەفتی 14ی تەموزا 2023ێ، داوی ب کارێن خۆ ئینا و Melanie Obrien ب سەرۆک هاتە هەڵبژارتن و ل هەمان دەم جێگر و سکرتێر و دەستەیا نوی یا سەرۆکاتییێ هاتنە ڕاگەهاندن.
هەر ل هەمان رۆژ، “بەرەڤان حەمدی” بریکارێ وەزارەتێ و شاندێ وەزارەتا کاروباری شەهیدان و ئەنفالکریان ل پەڕاوێزا کۆنفڕانسێ ئێکەتییا ناڤهاتی، جودا چەند کۆمبوون ئەنجامدان ل گەڵ “ئاڵفۆنسۆ ئارگۆنسێس” نوونەرێ وەزیرێ داد و راوێژکارێ وەزارەتێ کۆمبوویە، هەروەسا ل گەڵ خاتوین (Elisenda Calvet Martinez) راگرا کۆلێژا ماف و سکرتێرا ئێکەتییێ و سەرپەرشتا کۆنفڕانسی کۆمبوویە، ل دویڤدا د روینشتنەکێدا ل گەڵ ( Henry C. Theriault) سەرۆکێ پێشووتر یێ رێکخراوێ و چالاک و زانا د بیاڤێ جینۆسایداندا کۆمبوو.
تەوەرێن کۆمبوونان بریتی بوون ل جەختکرن ل سەر هاریکاریا وان ژ بۆ ب جینۆساید ناساندنا کەیسا گەلێ کورد و هاریکارییا زانستی و یاسایی و ل سەر ئاستێ نێڤدەوڵەتی کو پشتەڤان بن ژ بۆ پێشڤەبرنا کەیسێ و هاریکار بن د ڤی بیاڤیدا.
و ل داوییێ شاندێ وەزارەتێ زێدەباری گەهاندنا پەیاما پیرۆزباهییێ ب سەرۆک و ستافێ نوویێ ئێکەتییێ، وەزیر و بریکارێ وەزارەتێ سیمبوڵا قوربانییێن جینۆسایدا گەلێ کورد پێشکێشی سەرۆک و دەستەیا نوی یا سەرۆکاتییا ئێکەتییا نێڤدەوڵەتی یا زانایێن جینۆسایدان (IAGS) کر.
هەروەسان ل هەیاما 5 ڕۆژێن کۆنگرەیدا سەرۆک و ئەندامێن KG لۆبی سەنتەر ئامادەبوونەکا بەرچاڤ هەبوو ل هەمی میتینکان بۆ ڕوونکرنا مەرگەساتێن کوردستانێ و قوربانییێن جینۆسایدا گەلی کورد ل سەر دەستی ڕژێمێن بەرێ یێن عێراق و لۆبیکرن بۆ پشتەڤانی و پشتگیرییێ بۆ پرسا جێنۆسایدا گەلێ کورد ژ بۆ ناساندنێ ب کۆمەڵگەهێ نێڤدەوڵەتی.
