<h3 style="text-align: justify;"><span style="font-size: 18pt;">ئهڤرۆ ب ئامادهبوونا سهرۆك بارزانى كوربهندێ ئێكێ یێ پهروهردهیا كوردستانێ ژلایێ وهزارهتا پهروهردهیا ههرێما كوردستانێ ڤه ل ههولێرێ ب دروشمێ پهروهرده بۆ ههموویان هاته بهستن، وهزیرێ پهروهردێ راگههاند، 152 هزار ئاوارهیێن ناڤخۆیا عیراقێ و 60 هزار ئاوارهیێن سووریا ل ههرێما كوردستانێ دخوینن و پێداچوون بۆ 40 پهرتوكێن پرۆگرامێ خواندنێ كرییه.</span></h3> <h3 style="text-align: justify;"><span style="font-size: 18pt;">ئالان حهمه سهعید وهزیرێ پهروهردهیا ههرێما كوردستانێ د كوربهندێ ئێكێ یێ پهروهردهیا كوردستانێدا راگههاند، نوكه 152 هزار قوتابییێن ئاوارهیێن عیراقێ ل ههرێما كوردستانێ دخوینن كو وهزارهتا پهروهردهیا عیراقێ سهرپهرشتییێ لێ دكهت، لێ ل سهر فهرمانا سهرۆك بارزانى ئاسانكارییێن تمام بۆ هاتینه كرن و 140 قوتابخانه ئێخستینه د خزمهتا واندا.</span></h3> <h3 style="text-align: justify;"><span style="font-size: 18pt;">ئاماژه ب هندێ ژى دا، نوكه 60 هزار پهنابهرێن سوورى ل قوتابخانهیێن ههرێما كوردستانێ ژ چارچووڤێ پرۆسهیا تێكهلكرنێ دخوینن.</span></h3> <h3 style="text-align: justify;"><span style="font-size: 18pt;">سهبارهت سهرهدهریكرنا وهزارهتا پهروهردێ دگهل زارۆكێن خۆدان پێدڤییێن تایبهت، وهزیرێ پهروهردهیا حكومهتا ههرێما كوردستانێ گوت: ل سالا بوورى ل سهر فهرمانا سهرۆكوهزیران، قوتابییێن خۆدان پێدڤیێن تایبهت پشتى شیاندنهك بۆ دهێتهكرن، دێ تێكهلى قوتابخانهیان بن، دڤێت دگهل قوتابییێن ئاسایى بهێنه دانان و ژ چارچووڤێ پهروهرده بۆ ههموویان درێژێ ب خواندنێ بكهن.</span></h3> <h3 style="text-align: justify;"><span style="font-size: 18pt;">وهزیرێ پهروهردهیا حكومهتا ههرێما كوردستانێ ل دوور پێداچوونێ ب پرۆگرامێ خواندنێ گوت: ههتا نوكه پێداچوون بۆ 40 پهرتوكێن خواندنێ هاتییهكرن، شاشى هاتینه راستڤهكرن و دیزاینێ نوو بۆ هاتییهكرن، نوكهژى كار ل سهر 40 پهرتۆكێن دى دهێتهكرن ل دووڤ ستانداردێن جیهانى پێداچوون بۆ دهێتهكرن.</span></h3>
