<h2 style="text-align: justify;"><span style="font-size: 18pt;">دەقێ پەیاما پەیڤدارێ حكومەتا هەرێما كوردستانێ:</span> <span style="font-size: 18pt;">ب ناڤێ خودایێ مەزن</span> <span style="font-size: 18pt;">پرسا مووچەیێ وهلاتییێن هەرێما كوردستانێ بابەت و ئەولەوییەت بوویە ژ لایێ حكومەتا هەرێما كوردستانێ ڤە، هەتا ئەوێ ڕۆژا مە پشتبەستن ب داهاتێن ناڤخۆ و پهتڕۆلێ دكر بۆ دابینكرنا مووچەی، حكومەتا هەرێما كوردستانێ كێمترخەم نەبوویە و هەمی هەیڤان مووچەیێ وهلاتییان دابینكرییە.</span> <span style="font-size: 18pt;">نوكە كو داهاتێ پەتڕۆلێ ب ڕێككەڤتنەكێ دگەل حكومەتا عیراقێ د دەستێ هەرێمێدا نەمایە حكومەتا عیراقێ خۆ ب بەرپرس دزانیت ژ دابینكرنا مووچە و شایستەیێن دارایی یێن وەلاتییێن هەرێما كوردستانێ.</span></h2> <h2 style="text-align: justify;"><span style="font-size: 18pt;">ل گۆرەی یاسایا بودجەی د ئەڤێ پرسێدا مە هەمی ئەركەكێ لسەر ملێن خۆ ب جهئینایە و پێگرییەكا تەمام یا یاسایی كریه و هەتا ئەڤرۆ ژی بەرێز سەرۆكوەزیرێن هەرێما كوردستانێ د پەیوەندییێ دا بوویە ژ بۆ هندێ حكومەتا عیراقێ ب زویترین دەم مووچەیێ مووچەخۆران ب هنێریت و زێدەتر ئەڤێ پرسێ گیرۆنەكەت.</span> <span style="font-size: 18pt;">پەیاما مە بۆ پشكەك ژ لایەنێن سیاسی و خەلكەكی هەیە كو ددەمێ د ئەڤان چەند سالان دا كو ب چ ڕەنگەكی گرنگی ب پێگەهێ یاسایی و دەستووری یێ هەرێما کوردستانێ نە دایە، و وەك هەڤنیشتیمانیەکێ خەمخۆرێ خەلکێ کوردستانێ ڕەفتار نە کریە، ژ ئەڤێ زێدەتر زیانێ نە گەهیننە پێگەهێ دەستووری یێ هەرێما کوردستانێ و بۆ جارەکێ ژی بیت بەرپرسیارانە بەرامبەر وەلاتییێن هەرێما کوردستانێ و مافێن ئەوان یێن دەستووری بلڤن و مامەلێ بکەن، ئەڤێ پرسێ پەیوەندییا راستەوخۆ ب ژیان و ژیارا وەلاتییان ڤە هەیە و نه بابەتێن موزایەدە و بانگەشەیا هەلبژارتنان یە و پێدڤیە نە بیتە ئامرازەک بۆ لێدانێ ل پێگەهێ یاسایی و دەستووری یێ هەرێما کوردستانێ.</span></h2> <h2 style="text-align: justify;"><span style="font-size: 18pt;">پێشەوا هەورامی</span> <span style="font-size: 18pt;">پەیڤدارێ حکومەتا هەرێما کوردستانێ.</span></h2>
