دلشاد شەهاب، پەیڤدارێ سەرۆکایەتیا هەرێما کوردستتانێ ڕاگەهاند، ل سەر فەرمانا نێچیرڤان بارزانی، سەرۆکێ هەرێما کوردستانێ و ب مەرەما وەرگرتنا هزر و بوچوونێن لایەنان بۆ دەستنیشانکرنا دەمەکێ نوو بۆ هەلبژارتنێن خۆلا شەشێ یێن پەرلەمانێ کوردستانێ، بەرنامێ زنجیرەیەکا سەرەدانان بۆ لایێ حزب و لایەنێن سیاسی یێن هەرێما کوردستانێ دەستپێکریە و کو تێدا هزر و بوچوونێن حزب و لایەنان بۆ دیارکرنا دەمەکێ نوو بۆ هەلبژارتنێن پەرلەمانێ کوردستانێ وەرگرتینە.
هەر وەسا پەیڤدارێ سەرۆکایەتیا هەرێما کوردستانێ دیارکر، هێز و لایەنێن سیاسی پێشوازی ل ئەوێ پێنگاڤا سەرۆکێ هەرێما کوردستانێ کریە و ئامادەییا خۆ بۆ پشتەڤانیکرن ل ئەوێ پێنگاڤێ و پشتەڤانیکرن بۆ سەرخستنا پرۆسەیێ دیار کریە.
ئاماژە کریە ژی، د هەڤدیتنان دا، حزب و لایەنان بزاڤێن سەرۆکێ هەرێما کوردستانێ ژ پێخەمەت ئێکرێزیا ناڤخۆیی و ئێک هەلویستی و ئێک گۆتاری یا سیاسی ل ئاست پرسێن چارەنڤیسسازدا، ب گرنگ و خەمخورانە وە کریە.
دەربارەی ئەنجامێن دوماهیێ یێن بەرنامێ سەرەدانان گۆت:”دێ سەرەدانا هەمی حزب و لایەنان کەین و پشتی کۆمکرنا هزر و بووچوونێن ئەوان، سەرۆک نێچیرڤان بارزانی، دێ فەرمانا هەرێمی بۆ دەستنیشانکرنا دەمەکێ نوو بۆ هەلبژارتنێن خولا شەشێ یێن پەرلەمانێ کوردستانێ دەرکەت.”
