وەزارەتا ساخلەمییی و سەندیکا دەرمانسازان داخواز دکە د دەمێ هەیڤەکێدا چایا “ڕویاڵ یا مەلەکی” ژ بازاڕێن هەرێما کوردستانێ بهێتە ڤەکێشان، هەڤدەم بڕیار هاتیە دان ژی ئەو چایە ب تنێ ل دەرمانخانەیان و لبن چاڤدێرییا دەرمانساز و نوشداران دا بهێتە بکارئینان.
وەزارەتا ساخلەمییێ یا حکومەتا هەرێما کوردستانێ – ڕێڤەبەریا گشتی یا کاروبارێن ساخلەمییێ ، ب نڤیسارەکا ژمارە (16132) کو ئاراستەی رێڤەبەرییێن گشتی یێن ساخلەمییێ ل گشت پارێزگەهـ و ئیدارەیێن سەربەخۆ یێن هەرێما کوردستانێ کریە، و تێدا ئاماژە کریە:”پێدڤیە ددەمێ هەیڤەکێدا چایا ڕویاڵ یا مەلەکی ل گشت مارکێت و بازاڕان بهێتە ڤەکێشان.”
هەڤدەم د نڤیسارا وەزارەتا ساخلەمییێ دا هاتیە،”پێدڤیە چایا(ڕویال یا مەلەکی) ب ڕێکا ڕێڤەبەریا گشتی یا کۆنترۆلکرن و ئینان و دابەشکرنا دەرمان و پێدڤییێن نوشداری ل هەرێما کوردستانێ (KMCA) بهێتە هاوردەکرن و ب تنێ ل دەرمانخانەیان و لبن ڕێنماییێن نوشداری ب وەلاتییان بهێتە دانم.
